Manchester United yasezereye Saint-Etienne

Manchester United yasezereye Saint-Etienne | Umusingi

Manchester United yasezereye Saint-Etienne">

Manchester United yasezereye Saint-Etienne

— February 23, 2017

Please enter banners and links.

Manchester United yabashije gusezerera Saint-Etienne muri Uefa Europa League iyitsinda igitego kimwe ku busa gisanga 3 yari yayitsindiye Old Trafford mu mukino ubanza.

Ikipe ya Man United yabashije gukomeza muri 1/8 muri Uefa Europa League, umukino wo kwishyura wahuje aya makipe yombi wabereye mu bufaransa ku kibuga cy’ikipe ya Saint- Etienne.

Manchester United yaje kubona igitego cyo ku munota wa 17 cyatsinzwe na Henrick Mkhitryan ari na cyo rukumbi cyabonetse muri uyu mukino.

Ibintu ntago byagumye kuba byiza ku ikipe ya Manchester United itarajyenye Ander Herrera kubera yamaze kuzuza amakarita y’umuhondo atamwemerera gukina, haje kwiyongeraho umukinnyi w’inyuma ikipe isa nk’aho ariwe irimo kugenderaho muri iyi minsi, Eric Bailly wabonye amakarita abiri y’umuhondo imwe yahawe ku munota wa 60 yakurikiwe n’iyo ku munota wa 63 zaje kuvamo ikarita itukura, bivuze ko agomba gusiba imikino 2 ikurikiraho kuko ikipe ye yakomeje.

Manchester United yiyongereye kuri Fenerbahce na Shalke 04 zamaze gukatisha itike izerekeza muri 1/8 muri Europa League, mu gihe andi makipe agomba kwisobanura ku munsi w’ejo tariki 23 Gashyantare 2017 kugira ngo hamenyekane izigomba gukomeza.