Pierrot na Camara batumye Rayon Sports ifata umwanya mbere itsinze Marines, Musanze inganya na APR FC

Pierrot na Camara batumye Rayon Sports ifata umwanya mbere itsinze Marines, Musanze inganya na APR FC | Umusingi

Pierrot na Camara batumye Rayon Sports ifata umwanya mbere itsinze Marines, Musanze inganya na APR FC

— November 5, 2016

Please enter banners and links.

Rayon

Kuri uyu wa 5 Ugushyingo 2016 Ibitego bya Kwizera Pierrot na Moussa Camara bitumye ikipe ya Rayon Sports iyobora shampiyona n’amanota 10, ni nyuma yo gutsinda Marines ibitego 3-0.

Muri uyu mukino w’umunsi wa kane wa shampiyona wabareye kuri stade Umuganda, wihariwe cyane n’ikipe ya Rayon Sports mu gihe Marines yacungaga Rayon Sports maze igashaka guhanahana umupira ariko bikayigora kuko yarushwaga gukina umupira w’imbaraga kandi wihuse.

Kwizera Pierrot yatsinze igitego cya mbere cya Rayon Sports ku munota wa 24 w’umukino ku mupira yahawe na Nahimana Shassir mu gihe kandi uyu mukinnyi yatsinze igitego cya kabiri habura iminota itandatu ngo bajye mu karuhuko.

Mu minota ya nyuma y’umukino, Moussa Camara yatsindiye Rayon Sports igitego cya gatatu.

Uburyo buke bwabonetse ku ruhande rwa Marines ntacyo bwigeze butanga ku buryo bwari guhindura uyu mukino warangiye ari ibitego 3-0.

rayon2

Ikipe ya Rayon Sports

I Nyakinama, Musanze FC yari yakiriye APR FC banganya 0-0, byatumye APR FC igira amanota umunani mu gihe Musanze FC ifite amanota arindwi.

AS Kigali yanganyije 0-0 na Bugesera i Nyamirambo, Mukura Victory Sports itsinda Kiyovu 2-1, Espoir FC yanganyije n’Amagaju 1-1 i Rusizi mu gihe Kirehe FC yakiriye Etincelles FC, iyitsinda 2-1.

Muri iki cyumweru hari byinshi byahindutse amakipe amwe atungura ayandi ariko Abafana ba Rayon Sports bo bakaba bizeye ko ikipe yabo izakomeza kuyobora urutonde kugeza itwaye igikombe cya shampiyona.

Ntitwashoboye kuvugana n’abatoza b’amakipe yakinnyi uyu munsi ariko aho biri bukundire turabageza ibyo bavuze nyuma y’imikino kuko hari abagiye batungurwa ,abandi nabo baratsinda biba ibyishimo.

2,495 total views, 1 views today