Umusingi

Please enter banners and links.

Umunsi wa 10 wa shampiyona y’icyiciro cya mbere mu Bwongereza wasize amakipe ya Arsenal, Liverpool na Manchester City zibonye intsinzi, Tottenham na Leicester ziranganya mu gihe bikomeje kugorana ku makipe ya Manchester United na Sunderland.

Muri Spain naho Real Madrid yatsinze ibitego 4 na mukeba wayo itsinda Atletico Madrid itsinda 4 mu gihe Barcelona yatsinze igitego kimwe gus.Bivuze ko Arsenal ,Liverpool,Man City,Real Madrid,Atletico Madrid zose buri imwe  yatsinze ibitego 4.

Mu mukino wabanjirije izindi, kuri uyu wa Gatandatu, taliki 29 Ukwakira 2016 Arsenal yatsinze Sunderland ibitego 4-1, birimo bibiri bya Alexis Sanchez, na bibiri bya Olivier Giroud mu gihe Jermain Defoe yari yatsinze igitego cyo kwishyura ku ruhande rwa Sunderland.

Kugeza ku munsi wa 10 wa shampiyona, Sunderland itozwa na David Moyes ntiratsinda umukino n’umwe mu gihe ifite amanota abiri yakuye mu yo yanganyije.

Manchester City yari imaze imikino itandatu yikurikiranya idatsinda mu marushanwa atandukanye, yagiye kwa West Bromwich Albion ihatsindira ibitego 4-0 birimo bibiri bya Sergio Aguero.

Liverpool yari yasuye Crystal Palace, ibasha kwikura ku kibuga cyayo, ihatsindiye ibitego 4-2. Matip,Emre Can,Lovren  na Filmino ni bo batsinze ibitego byashimagiye intsinzi ku ruhande rwa Liverpool, ni nyuma yaho batsindaga Palace yishyura.

Aya makipe ya Arsenal, Liverpool na Manchester City ayoboye shampiyona n’amanota 23.

Ku kibuga cya Manchester United, iyi kipe yananiwe kuhatsindira Burnley banganya 0-0 nubwo yihariye umukino ku buryo bushoboka bwose , igerageza uburyo 37. United basoje ari abakinnyi 10 mu kibuga, ni nyuma yaho Ander Herrera yahawe ikarita itukura n’umusifuzi Marc Clatternburg, mu gice cya kabiri, uyu wari wanazamuye Jose Mourihno mu bafana ubwo igice cya kabiri cyatangiraga.

Kugeza ubu United ikaba ifite amanota 15 mu mikino 10 ya shampiyona.

Ibinyamakuru bitandukanye bikaba byanditse ko Jose Mourinho ari mubi kurusha Moyes mu bijyanye n’imitoreze ndetse akaba ashobora kwirukanwa.

Mu wundi mukino wabaye kuri uyu wa Gatandatu, Tottenham itaratsindwa na rimwe muri shampiyona y’uyu mwaka, yanganyije na Leicester City igitego 1-1. Vincent Janssen na Ahmed Mussa nibo batsindiye amakipe yombi.

Shampiyona irakomeza kuri iki Cyumweru, aho Everton yakira West Ham United naho Southampton iraza kwakira Chelsea.

Ndayambaje F

2,582 total views, 1 views today