Please enter banners and links.

Ikipe ya Barcelona FC irimo gushakisha umukinnyi wa Liverpool FC Philippe Coutinho hasi hejuru kutamubura nyuma yo kugerageza inshuro 2 zose izana amafaranga Liverpool ikayanga ivuga ko itagurisha.

Ubu ibitangazamakuru bizindutse bivuga ko ikipe ya Barcelona FC yagarukanye akayabo ka Miliyoni £137 aho ivuga ko ayo Liverpool itazayanga.

Lionel Messi na Suarez bareba ko Coutinho aje n’indege

Philippe Coutinho w’ikipe ya Liverpool ushakishwa bikomeye na Barcelona

Klopp ibibazo byamubanye byinshi kubera Coutinho ushaka kugenda kandi ariwe wari umufatiye runini

Kuwa gatandatu ikipe ya Liverpool yanganyije na Watford ibitego 3 kuri 3 nyuma yaho Philippe Coutinho atagaragaye mu kibuga bitangira kuvugwa ko yasabye ko ikipe ya Liverpool imwemerera akagurishwa.

Ikipe ya Liverpool yari imaze kwizera ko itsinze umukino kuko yari ifite ibitego 3 kuri 2 ariko nkuko abafana ba Liverpool babivugaga ko ikipe ya Liverpool ikunda kwishyurwa mu minota ya nyuma niko byagenze kuko ku munota wa 93 ku minota 5 yari yongejwe nibwo ikipe ya Watford yishyuye umukino urangira ari ibitego 3 kuri 3 bamwe bati kubera iki Philippe Coutinho atakinnyi ari ukubera ko ashaka kujya muri Barcelona.

Ikipe ya Liverpool ikaba yaraguze umukinnyi umwe gusa ukomeye ariwe Salah mu gihe izindi kipe nka Manchester United yaguze abakinnyi benshi ndetse na Manchester City bikaba bivugwa ko Liverpool izahura n’ibibazo kubera kutagura abakinnyi kandi izakina Champions League.

Ikipe ya Liverpool akenshi igira ikibazo cya ba myugariro cyananiranye gukemuka mu myaka 10 ishize n’ubwo irimo gushakisha myugariro wa Southmpton Van Jik ariko uwahoze ari myugariro wa Liverpool Carragher avuga ko Liverpool ikeneye kugura abakinnyi bakomeye niba ishaka gutwara ibikombe nyuma yo kumara imyaka irenga 20 ataratwaraho Premier League kuva yatangira kwitwa gutyo.

Barcelona ikaba ishaka Philippe Coutinho kugirango asimbure Neymar wagurishijwe mu ikipe ya PSG akaba ariwe mukinnyi wa mbere ku isi wagurishijwe menshi mu mateka aho yagurishijwe Miliyoni £196.

Ndayambaje F

3,602 total views, 3 views today