Umusingi

Please enter banners and links.

Golola n’umuteramakofe uzwi cyane muri Uganda akaba amaze guteza imbere umukino w’iteramakofe ku buryo ubu abaterankunga bashyizeho Miliyoni 50 uzatsinda akazazegukana.

Golola akazakina n’uwitwa Ssemata ariko uyu ubushize akaba yarakubise Golola aramutsinda ubu Golola akaba yaje avuga ko kuri iyi nshuro ayo mafaranga atazamucika ashaka gukubita umuntu agapfa bakamushyingura.

Abaterankunga harimo uwitwa ABITEX wateraga inkunga ibitaramo bya Bobi Wine mu gihe undi afite umuterankunga witwa Balaamu uterankunga ibitaramo bya Bebe Cool nabandi bahanzi bashyigikira Museveni.

ABITEX akaba yavuze ko ibara ry’umuhondo ritajya ritsinda akaba yizeye ko Golola uzaba ari ku ruhande rwa People Power ya Bobi Wine bagomba gutsinda.

Iburyo niwe Golola naho ibumoso ni Ssemata

Golola

ABITEX ibumoso ,iburyo niwe Balaamu abaterankunga

ABITEX yagize ati “Ndagirango mbabwire ko nzakuvugana na Bobi Wine n’umukinnyi nawe akunda siporo azaze abe ahari dutsinda aba Movement ya Museveni”.

Ssemata we yavuze ko atajya avuga byinshi nka Golola ategereje kimwe gusa umunsi ugere amwereke ko atazi gutera amakofe ati “Murabizi ko agira ibigambo byinshi ariko nta minota irenze 2 izashira ndamuzi abari bahari muribuka ubwo duheruka guterana amakofe yarabeshye ngo yanyereye ava mu mukino ariko ubu ntarwitwazo afite cyeretse natinya agahimba andi mayeri”.

Balaamu yavuze ko bamaze kwishyura ibigo bishinzwe ubwishingizi byose byarangiye na Ambulance izaba ihari kugirango uzakubita undi ikofe agahwera izamujyane kwa muganga ibigo by’ubwishingizi byishyure nihagira upfa nawe bamwishyure umuryango we bityo rero buri kimwe cyarateguwe neza.Balaamu akaba yabwiye abanyamakuru ubwo aba bagabo bombi basinyaga amasezerano ko umuhungu wa Perezida Museveni Gen.Muhoozi yavuze ko Golola nakubita Ssemata azamuha Miliyoni 10 mu gihe Ssemata nakubita Golola ku nshuro ya mbere azamuha Miliyoni 15 kuko bagomba guterana amakofe inshuro 5 buri nshuro ikazajya itwara iminota 3.

Umukino uteganijwe Kuwa 3 Kanama 2019 kuri Garden City ukaba ari umukino uzitabirwa cyane bitewe n’uburyo wamamajwe ndetse washyizwemo amafaranga menshi ,aba bombi bakaba bashatse kurwanira imbere y’abanyamakuru mu rwego rwo kwerekana ko bafitanye umujinya buri umwe ahigira undi nkuko mu bihugu byateye imbere basigaye babigenze ariko mu Rwanda ko uyu mukino utajya uvugwa cyane habura iki?.

Ndayambaje F

3,585 total views, 3 views today