Roger Federer yegukanye Wimbledon aca agahigo

Roger Federer yegukanye Wimbledon aca agahigo | Umusingi

Roger Federer yegukanye Wimbledon aca agahigo

— July 16, 2017

Please enter banners and links.

Uyu munsi Kuwa 16 Nyakanga 2017 Umusuwisi w’imyaka 35, Roger Federer yatwaye Wimbledon, irushanwa rikomeye muri Tennis, aba aciye agahigo ko kuryegukana ku nshuro ya munani, ndetse aba n’umukinnyi ukuze ubashije kwegukana irushanwa rihuza ababigize umwuga n’abatarabigize umwuga mu Bwongereza.

Roger Feder yegukanye iri rushanwa atsinze Umunya Croatia Marin Čilić, amutsinze amaseti 3-0 (6-3 6-1 6-4) mu mukino wamaze isaha imwe n’iminota 41, iyi Wimbledon ya munani yegukanye ni Grand Slam ya 19 kuri uyu musuwisi.

Wari umukino ukomeye dore ko wari n’uwa nyuma wakinwe kuri iki cyumweru tariki ya 16 Nyakanga, ariko ntiwahiriye Marin Čilić kuko yaje kuwugiriramo imvune yatumye kwihangana bimunanira asuka amarira mu iseti ya 2.

Nyuma y’Umukino, Feder yashimiye Marin ndetse aranamwihanganisha, ati “Rimwe na rimwe biba bikomeye cyane, ariko yahatanye neza ndetse ni intwari. Ndamushimiye ku irushanwa ryiza yagize.”

Marin Čilić yageze ku mukino wa nyuma asezereye Sam Austin Querrey muri ½ cy’irangiza, amutsinze amaseti 3-1, mu gihe Roger Feder we yasezeye Tomáš Berdych wo muri Repubulika ya Czech amutsinze amaseti 3-0.

2,613 total views, 1 views today