Kuki shampiyona ya U15 itatangiye muri Gashyantare 2017 ?

Kuki shampiyona ya U15 itatangiye muri Gashyantare 2017 ? | Umusingi

Kuki shampiyona ya U15 itatangiye muri Gashyantare 2017 ?">

Kuki shampiyona ya U15 itatangiye muri Gashyantare 2017 ?

— March 3, 2017

Please enter banners and links.

Nyuma yo gutangaza ko shampiyona y’anbatarengeje imyaka 15 izatangira muri Gashyantare, Ishyirahamwe ry’umupira w’amaguru mu Rwanda ryemeje ko yatinze kuko bari bataranoza amasezerano n’ishyirahamwe ry’imikino mu mashuri.

Aganira na Radio/TV10, Nzamwita Vincent, umuyobozi wa FERWAFA yavuze ko bakerereweho ukwezi kuko bari bataranoza amasezerano n’Ishyirahamwe ry’imikino yo mu mashuri.

Yagize ati ” Twagombaga gutangira muri Gashyantare ariko kuko tuzakorana n’abashinzwe imikino mu mashuri hari ibyo twari tutarumvikana, tuzayashyiraho umukono ku masezerano.”

Nzamwita avuga ko muri aya masezerano harimo kumvikana aho bazageza iri rushanwa, ku rwego rw’igihugu, aho aya masezerano bateganya kuzayatanga muri FIFA kugira ngo baboneyo ubufasha.

Akomeza avuga ko bazagaragazamo aho abashinzwe imikino mu mashuri bazajya bagarukira mu gutegura iyi mikino.

Yagize ati ” Hazajyamo no guhugura abatoza bari hasi mu bana (Grassroots) no gushyiraho amatsinda y’abatoza batoranya abana bafite impano, tuzatoranya abanyuma i Kigali bazavamo abakinnyi b’ikipe y’igihugu y’abatarengeje imyaka 17.”

Biteganyijwe ko aya marushanwa azarangirana n’umwaka w’amashuri, abana bajya mu biruhuko bikuru, aho bavuga ko gufatanya n’amashuri bitazasaba amafaranga menshi.

2,647 total views, 3 views today