Umusingi

Please enter banners and links.

Umupolisi mukuru wayoboraga Polisi muri Kampala mu gihugu cya Uganda  witwa Baguma Aaron yahamagajwe mu rukiko gusobanura urupfu rw’umugore w’umucuruzi wacuruzaga imodoka witwaga Donah Betty Katusabe wakubiswe n’undi mucuruzi w’imodoka akageza ubwo apfuye.

Donah Betty Katusabe yaguze imodoka n’umuherwe wa Pine Car Bond witwa  Muhammad Sebuufu wacuruzaga imodoka.

Donah Betty Katusabe yaguze n’uyu muherwe Muhammad Sebuufu amusigaramo Miliyoni 9 gusa hanyuma atinze kumwishyura akoresha amayere amusaba ko bahura yamuteze abantu bo kumukubita bakamwica harimo n’abapolisi 9.

Donah Betty Katusabe ahageze aho bagombaga guhurira yagerageje gusobanurira umuhirwe Muhammad Sebuufu ubu ufunze ko azamwishyura amwihanganire ariko biba ibyubusa baramukubita baramwica.

Bamwe mu bafatanije na ASP Baguma baburana (photo internet)

Atarapfa yagerageje gutabaza ASP Baguma wayoboraga Polisi ya Kampala ariko Baguma ahageze abwira Donah Betty Katusabe ati ubundi wakwishyuye amafaranga yabandi arangije amusiga aho bakimukubita yongeye kumva inkuru ko yakubiswe agapfa.

Uyu munsi Kuwa 18 Kanama 2016 urukiko nyuma yo guhamagaza ASP Baguma kurwitaba agasobanura impamvu nyakwigendera yamutabaje atarapfa kandi afite ububasha bwo kumukiza ahubwo akamusiga aho yiciwe ariko Baguma yanze kwitaba bityo uyu munsi urukiko rukaba rwandikiye IGP Kale Kayihura ko agomba kurufasha kugirango uyu mupolisi yitabe urukiko asomerwa urubanza aregwa.

Ikinyamakuru The redtimes.com cyanditse kivuga ko ASP Baguma ashobora kuba yahunze igihugu kuko batazi aho aherereye.

Kwica umuntu kubera Miliyoni 9 gusa ukajya kubaho nabi muri gereza?umuretse ntiwakomeza ukabaho ugashaka andi mafaranga?muri Uganda iyo utsinzwe urubanza rw’ubwicanyi nawe bagukatira urwo gupfa ubu uwo muherwe akaba afite ubwoba ko ashobora gukatirwa urwo gupfa.

Igihugu cya Uganda ruswa imaze kukimunga unyumvire abapolisi 9 bose bakurikiranyweho icyaha cyo kwica Donah Betty Katusabe bakoreshejwe na Muhammad Sebuufu.

ASP Baguma akaba nawe bivugwa ko yatinye gufungwa kubera icyo cyaha aregwa akaba yahunze igihugu n’ubwo nanone aregwa mu ba polisi bakubise abafana ba Dr.Kiiza Besigye nabo baherutse kugezwa imbere y’umucamanza akabohereza muri gereza byagategenyo.

Uretse ASP Baguma na Bosi we IGP Kale Kayihura imiryango itandukanye irimo gusaba ko yirukanwa ku kazi ndetse agashyikirizwa ubutabera nyuma y’urukiko kumuhamagaza kubera ibirego bamureze ko polisi ayobora yakubise abaturage bari bashyigikiye Dr.Kiiza Besigye.

Kugeza ubu IGP Kale Kayihura akaba nawe ataritaba urukiko rwamuhamagaje kuko hari n’abacamanza bishyize hamwe batanga ikirego bakaba bashaka gufatanya n’abaturage 31 batanga ubuhamya ko polisi yabakubise bityo nawe akabihanirwa.Umwe mu baturage utarashatse ko amazina ye atangazwa yagize ati “urukiko guhamagaza umukuru wa Polisi biba bigaragaza Demokarasi kuko hari ibihugu inkiko zitatinyuka kumuhamagaza ariko Uganda nicyo kikwereka n’ubwo uburenganzira bwa muntu bukibangamirwa ariko hari intambwe nziza bamaze kugeraho mu rwego rwa Demokarasi”.

Gatera Stanley

3,771 total views, 1 views today