Hatangiye kugaragara inzoga zataye igihe z’uruganda Enterprise Indakemwa

Hatangiye kugaragara inzoga zataye igihe z’uruganda Enterprise Indakemwa | Umusingi

Hatangiye kugaragara inzoga zataye igihe z’uruganda Enterprise Indakemwa

— July 16, 2017

Please enter banners and links.

Hari abaturage batuye I Remera ahitwa mu Migina baguze inzoga z’uruganda rwitwa Enterprise Indakemwa zashaje ku buryo bafite impungenge niba zitateza ibibazo abazinywa batabizi.

Umwe mu baturage wayiguze iyo nzoga zengwa mu bitoki utarashatse ko tuvuga amazina ye Kuwa 12 Nyakanga 2017 yayizanye aho Ikinyamakuru Umusingi gikorera I Remera maze dusanga aribyo koko maze turayifotora kugirango dushobora kubaza banyiri ruganda icyaba cyarabiteye kugirango inzoga zabo zicuruzwe zarashaje.

Ikinyamakuru kimaze kubona izo nzoga uwayiguze yatweretse aho yayiguze tubajije uzicuruza utaratubwiye amazina ye maze agira ati “ubwo baba bibagiwe abazikora bagashyira mu macupa ya cyera”.

Ikinyamakuru kimaze kumva ibyo byose cyashatse kubaza nyiri ruganda wanze kutubwira amazina ye ariko akaba yaravuze ko nta nzoga zishaje bakora cyangwa bacuruza ati “ubwo mwazijyana mu buzirantenge cyangwa kuri polisi cyangwa ahandi hose mushaka”.

Ikinyamakuru Umusingi kimubajije niba ariwe nyiri ruganda kubera ku icupa haba handitseho nimero za Telephone zitandukanye yavuze ko ariwe nyiri ruganda tumubajije amazina ye ati “amazina se urambaza ayiki byakumarira iki kuyamenya?icyo umenya ni uko uruganda ari urwanjye ibindi ntacyo byakumarira”.

Ubundi ni byiza ko buri muntu wese ikintu cyose agiye kugura abanza kureba itariki cyakoreweho ndetse n’itariki kizararangiriraho kuko hari benshi bapfa kugura gusa batitaye kureba niba ibyo baguze byarashaje.

Hari bamwe batabyitaho bamara kubinywa cyangwa kubirya bagatangira kurwara mu nda cyangwa izindi ndwara zikabafata ariko mugiye mubigenzura mbere byajya bibafasha.

Urwo ruganda nkuko byanditse ku macupa aba arimo izo nzoga ruherereye mu Murenge wa Niboye mu Karere ka Kicukiro.Kuri iyo nzoga bigaragara ko handitseho ko yakozwe Kuwa 12 Mata 2013 kandi turi mu mwaka wa 2017.

2,757 total views, 1 views today