umu amakuru- Inama ngira Mpayimana Phillipe ibyo arimo abireke amajwi ayahe FPR Inkotanyi | Umusingi

Inama ngira Mpayimana Phillipe ibyo arimo abireke amajwi ayahe FPR Inkotanyi

Please enter banners and links.

Burya ukuri ni ngombwa kandi no kugira umuntu inama ni ngombwa njye nshingiye ku byo mbona Umukandida wigenga Mpayimana Phillipe uvuga ko ashaka kuyobora u Rwanda muri gahunda Abakandida barimo namugira inama yo kubivamo amajwi akeka yari kubona akayaha FPR Inkotanyi kuko mbona ariyo izatsinda kandi n’abandi ndizera ko ari uko babibona.

Iki n’igitekerezo nagize nyuma yo kubona mu minsi mike kwiyamamaza ku bakandida itangiye nabonye ko ibyo arimo atabishoboye kubera impamvu ngiye kubabwira kandi ntazagire ngo ni ukumuca intege.

Ubundi iyo ukora ikintu biba bisaba ko ugikora uko bikwiye iyo utagikoze uko bikwiye uratsindwa nawe rero hari byinshi mbona adakora neza nkaba aribyo nshingiraho mvuga ko akwiye kubireka kubera ko atabishoboye cyangwa atabikora neza amajwi ye akayihera FPR Inkotanyi cyangwa Green Party ariko ayahaye FPR Inkotanyi wenda hari igiye yamwibuka mu minsi iri imbere ikamuha akazi.

Ubundi yakabaye afite T.Shirt ziriho ifoto ye imwamamaza none yananiwe no kubona amafaranga akoresha iye wenyine kandi ubundi n’abafana be cyangwa itsinda rikorana nawe ryakabaye ryambaye izo T.Shirt ariko n’iryo tsinda ntaryo afite.

Mpayimana yakabaye afite ibyuma akoresha acuranga ndetse bimufasha kuvugiraho kugirango abantu baje kumva imigabo n’imigambi ye bayumve neza ariko aho maze kumubona nta mikoro aba afite ukibaza uko ni ukwiyamamaza nk’umuntu ushaka kuyobora igihugu cyangwa ni byenda gusetsa?.

Nabonye abandi bakandida bagenzi be baba bafite ibyo byose navuze haruguru ndetse bafite n’abahanzi bakoresha mu gushyushya urugamba aho baba bagiye kwiyamamaza ariko mushuti wanjye mbona ntabo afite uretse n’abahanzi abandi baba bafite abanyamakuru babafasha kwamamaza ibikorwa byabo we ntabo afite nshingiye kuri ibyo byose niyo mpamvu navuaga ko akwiye kubireka.

Uretse n’ibyo ejo Kuwa 15 Nyakanga bimwe mu bitangazamakuru byatangaje ko hari aho yagombaga kujya kwiyamamaza ariko ntiyahageze abantu bakibaza icyatumye ataza kwiyamamaza bikabayobera mu gihe abandi aho bari bateganije hose bahageze.

Kuba mvuze ko amajwi ye ayahe FPR Inkotanyi ntago ari uko wenda hari icyo yamaye cyangwa ikindi ahubwo ni uko mbona ariyo izatsinda ubwo rero nayihe wenda nayo hari igihe yamwibuka ikamuha akazi.

Iki n’igitekerezo cyanjye uko mbibona ariko hari undi nawe ufite igitekerezo cye nawe ashobora kukigeza ku basomyi b’ikinyamakuru akoresheje Email.stanleygatera@gmail.com .

Gatera Stanley

0783664450

641 total views, 5 views today

About author

Related Articles

2 Comments

  1. Bamura.antoinette July 16, 2017 at 11:26 am

    Into ivuza kuri mpayimana ndashingiro bifite. kuko itora riba mwibanga .ntirireba ko abantu benshi bataje.
    Ikindi kandi ntabyibuka igihe Buyoya na Ndadaye biyamazaga. iprona hazaga ayanyu benshi .
    Magic frodebu hakaza bake.
    Ariko wumvise ibyavuye mumatora .ndadaye niwe waje kutorwa.kandi byagararaga ko ntabantu afite mumihanda. Bambaye frodebu.abantu bose baribambye iprona.

    • Nzabandora July 18, 2017 at 2:52 pm

      Buri Itora ni nkumukino w’umupira kuko byose bishoboka. ahubwo Gatera ari kwica amatora kuko ari gushaka kumvikanisha ibitekererzo bye kandi atiri n’umukandida: Abagabo duhanze amaso mukumvikanisha ibitekererzo byabo ni batatu wowe Gatera icecekere keretse niba hari uwa gutumye ngo ugende unegura cyangwa usebya umwe muri abo batatu, kandi bo kugeze ubu bagiye bagaragza kubahana aho bamaze kunyura hose

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.