Umusingi

Please enter banners and links.

Chelsea FC yatsinze West Bromwich Albion F.C igitego kimwe rukumbi ku busa mu mukino wabereye ku Kibuga cya The Hawthorns, ku mugoroba wo kuri uyu wa Gatanu, tariki ya 12 Gicurasi 2017, ihita yegukana igikombe cya shampiyona y’u Bwongereza ya 2016/2017.

Ni umukino w’umunsi wa 36 muri iyi shampiyona ibura imikino ibiri ngo isozwe. Chelsea FC yashinzwe mu 1905 yanditse amateka mashya yegukana igikombe cya gatandatu muri Shampiyona.

Igitego rukumbi cyatsinzwe n’Umubiligi Michy Batshuayi ku munota wa 82 w’umukino nicyo cyashimangiye bidasubirwaho ko iyi kipe yo mu Majyepfo y’u Bwongereza ariyo yegukanye igikombe.

Chelsea FC ifite amanota 87 yamaze gushyira ikinyuranyo hagati yayo na Tottenham Hotspur F.C iyikurikiye ifite 77, aho iyirusha agera ku icumi mu gihe isigaje imikino itatu.

Chelsea isigaje gukina na Watford ndetse na Sunderland ku mukino uzabera i Stamford Bridge kuya 21 Gicurasi ari nawo munsi bazashyikirizwa igikombe.

Umutaliyani utoza Chelsea, Antonio Conte n’abakinnyi b’iyi kipe baraye mu byishimo bihambaye nyuma yo kwitwara neza kuri uyu mukino wabahaye igikombe.

Umutoza Antonio Conte abaye Umutaliyani wa kane utwaye Shampiyona y’u Bwongereza nyuma ya Carlo Ancelotti, Roberto Mancini na Claudio Ranieri.

Ni nawe mutoza wa kane utwaye igikombe mu mwaka wa mbere ageze muri iyi shampiyonja, amateka yari afitwe na Jose Mourinho na Carlo Ancelotti babikoreye i Stamford Bridge ndetse na Manuel Pellegrini wagitwaranye na Manchester City.

Iyi kipe y’Umuherwe Roman Abramovich, yegukanye shampiyona y’Abongereza ku nshuro ya gatandatu harimo iyo mu 1954–55; 2004–05; 2005–06; 2009–10; 2014–15 na 2016–17.

Chelsea niyo kipe ya mbere itwaye igikombe kuwa Gatanu, amateka yaherukaga gukorwa na Arsenal mu 1989 i Anfield ku kibuga cya Liverpool FC.N’ubwo Chelsea itwaye igikombe haracyari urugamba rukomeye ku ikipe ziza muri 4 za mbere hagati ya Liverpool na Man City na Arsenal ndetse na Man United.

Liverpool irasabwa gutsinda imikino 2 isigaranye kugirango yizere kurangiriza muri 4 za mbere ,iramutse ibikoze na Man City igatsinda iyo isigaranye bivuze ko Arsenal na Man United zitaza muri 4 za mbere ndetse zitazakina Champions League umwaka utaha.

2,503 total views, 1 views today