Rene Hubert washinze ikinyamakuru Ibyishimo yatawe muri yombi

Rene Hubert washinze ikinyamakuru Ibyishimo yatawe muri yombi | Umusingi

Rene Hubert washinze ikinyamakuru Ibyishimo yatawe muri yombi

— January 29, 2019

Please enter banners and links.

Amakuru ari kuvugwa muri Kigali n’umunyamakuru Nsengiyumva René Hubert washinze urubuga rwa internet rutambutsa inkuru z’iyobokamana rwitwa Ibyishimo, ari mu maboko y’Urwego rw’Igihugu rushinzwe Ubugenzacyaha akurikiranyweho icyaha cy’ivangura no gukurura amacakubiri.

Uyu munyamakuru yatawe muri yombi ku wa Gatanu w’icyumweru gishize, kugeza ubu ibyo akurikiranyweho bikaba bigikorwaho iperereza.

Umuvugizi w’Urwego rw’Igihugu rushinzwe Ubugenzacyaha, RIB, Mbabazi Modeste yemereye yabwiye bimwe mu binyamakuru ko uyu mugabo afunzwe ariko yirinda kuvuga uburyo ibyaha ashinjwa yabikoze.Nkuko yabitangarije Igihe

Ati “Ni ibyaha yakoze mu buryo butandukanye bikiri gukorwaho iperereza. Natwe turacyari mu iperereza kuko arakekwa.”

Ibyaha Nsengiyumva akurikiranyweho bihanwa n’ingingo ya 163 n’iya 164 mu gitabo cy’itegeko giteganya ibyaha n’ibihano byabyo.

Ingingo ya 164 isobanura ko umuntu ukoresha imvugo, inyandiko, cyangwa igikorwa icyo ari cyo cyose gitanya abantu, byatuma abantu bashyamirana, cyangwa bigatera intugunda mu bantu, bishingiye ku ivangura aba akoze icyaha cyo gukururura amacakubiri.

Uhamijwe icyo cyaha ahanishwa igifungo kitari munsi y’imyaka itanu ariko kitarenze imyaka irindwi n’ihazabu y’amafaranga y’u Rwanda atari munsi y’ibihumbi magana atanu ariko atarenze miliyoni imwe.

3,801 total views, 1 views today