Umusingi

Please enter banners and links.

APR FC yatsinzwe umukino wa mbere yakinaga na Ulinzi Stars yo muri Kenya mu mikino ihuza ingabo z’ibihugu bigize Akarere ka Afurika y’u Burasirazuba(East African Community) irimo kubera mu Rwanda kuva kuri uyu wa Mbere taliki 8 kuzageza 18 Kanama 2016.

Ku mukino wa mbere nk’umutoza mushya wa APR FC, Kanyankore Gilbert Yaoundé yananiwe guhesha ikipe y’ingabo z’u Rwanda intsinzi mu mikino ihuza ingabo z’ibihugu byo mu Karere ka Afurika y’u Burasirazuba iri kubera mu Rwanda.

Bernard Makuza Perezida wa Sena atangiza irushanwa rya gisirikare ribera mu Rwanda

Iyi kipe yari irimo abakinnyi batandatu bashya barimo umuzamu Emery Mvuyekurewananiwe gufata umupira bakamutsinda igitego kumupira wari uvuye muntoki ze ukagwa hasi, Imanishimwe Emmanuel, Nshimiyimana Imran, Innocent Habyarimana, Muhadjili Hakizimana na Twizerimana Onesme yatangiye bigaragara ko abakinnyi batumvikana ari na byo byatumye itsindwa igitego hakiri kare ku munota wa 10 cyatsinzwe na  Mohammed Hassan.

Abakinnyi ba APR FC bagiye bagerageza uburyo butandukanye by’umwihariko rutahizamu w’umwaka Muhadjili Hakizimana yagiye abona amahirwe yo gutsinda ku mipira y’imiterekano (free kick) ariko umuzamu wa Ulinzi akayikuramo.

Ikipe ya APR FC yatsinzwe

Iminota 90 yarangiye nta cyo uyu mutoza abashije guhindura, ikipe ya APR FC yatahukanye umudali wa zahabu umwaka ushize mu mikino ya gisirikare yabereye muri Uganda itangira iy’uyu mwaka nabi imbere y’abafana batari bake bari baje kuyishyigikira harimo n’abasirikare benshi dore ko irushanwa ari iry’abasirikare.

Abakinnyi babanjemo ku mpande zombi:

APR FC: Mvuyekure Emery, Ngabo Albert, Imanishimwe Emmanuel, Rugwiro Herve, Usengimana Faustin, Nshimiyimana Amran, Patrick Sibomana, Benedata Janvier, Twizerimana Onesme, Hakizimana Muhadjiri,Habyarimana Innocent

Ulinzi Stars: Saruni, Shitote, Mbongi, Kokoyo, Hassan, Apul, Onyango, Muloma, Waruru, Makwata na Waweru.

Kuri uyu wa Kabiri hateganyijwe ikiruhuko, imikino ikazakomeza kuwa Gatatu.

Ulinzi Stars yo muri Kenya

Gahunda y’imikino yo kuwa Gatatu:

Basketball kuri Petit stade
Uganda vs Kenya saa cyenda n’igice
Rwanda vs Tanzania saa kumi n’imwe n’igice

Handball kuri stade Amahoro

Uganda vs Kenya saa mbiri
Rwanda vs Tanzania saa yine n’igice

Netball kuri stade Amahoro:

Tanzania vs Uganda saa munani
Rwanda vs Kenya saa kumi n’imwe

Umupira w’amaguru kuri stade ya Kigali
Uganda vs Tanzania saa 17h30.

N’imikino abantu bishimiye n’ubwo ikipe ya kiriye amarushanwa gutangira itsindwa atari byiza ,abantu kwinjira bikaba ari ubuntu.

Uyu mukino wa mbere ukaba watangijwe na Perezida wa Sena Bernard Makuza ari kumwe n’umugaba mukuru w’Ingabo z’uRwanda Patrick Nyamvumba n’abagaba bakuru b’Ingabo za Uganda ,Kenya na Tanzania.Umukino watangiye saa kumi z’umugoroba.

Gatera Stanley

3,289 total views, 3 views today