Umusingi

Please enter banners and links.

Imikino ihuza amakipe yabaye aya mbere iwayo ku mugabane w’u Burayi, UEFA Champions League yabaye kuri uyu wa Gatatu, Manchester City yihanangirije Feyenoord iyitsinda ibitego 4 ku busa, Real Madrid itsinda APOEL Nicosia 3 ku busa naho Liverpool itungurwa na Sevilla mu rugo ziranganya 2-2.

Mu mikino umunani yari iya mbere mu matsinda kuva kuri E kugera kuri H yabaye kuri uyu wa Gatatu yabonetsemo ibitego 26 muri rusange ikipe yabashije kwinjiza byinshi ikaba ari Manchester City yo mu Bwongereza yatsinze Feyenoord yo mu Buholandi ibitego bine ku busa.

Ronaldo

Ramos

Ni ibitego bya myugariro John Stones watsinzemo bibiri, ba rutahizamu Sergio Aguero na Gabriel Jesus batsinze kimwe kimwe bikaba bwari ubwa mbere Feyenoord itsinzwe ibitego byinshi ku kibuga cyayo mu mateka y’amarushanwa yo ku mugabane w’u Burayi yose yitabiriye.

Muri Espagne, Real Madrid ifite ibi bikombe inshuro nyinshi mu mateka (12) ikaba yaranacyegukanye inshuro ebyiri ziheruka, yatangiye yakira APOEL Nicosia yo muri Chypre iyitsinda ibitego  3 ku busa harimo 2 bya Cristiano Ronaldo na kimwe cya Sergio Ramos.

Iyo ni Liverpool FC na Sevilla

Liverpool ku kibuga Anfield yari yakiriye Sevilla gusa ntabwo byayoroheye kuko imbere y’abafana bayo yatsinzwe igitego cya mbere na Wissam Ben Yedder ku munota wa gatanu gusa, iza kucyishyura kuwa 21 gitsinzwe na Roberto Firmino.

Iyi kipe yatangiye gushaka igitego cya kabiri cyo gushimisha abafana iza kukibona ku munota wa 37 gitsinzwe n’Umunya-Misiri Mohamed Salah gusa mu gihe ibihumbi by’abakunzi b’iyi kipe ifite amateka muri iri rushanwa dore ko yaryegukanye inshuro 5 bibwiraga ko bashobora kubona amanota atatu Joaquin Correa yahise abonera Sevilla icyo kwishyura umukino urangira ari 2-2.

Uko imikino yose yabaye kuri uyu wa Gatatu yarangiye

Tottenham 3-1 Borussia Dortmund

Real Madrid 3-0 APOEL

FC Porto 1-3 Besiktas

RB Leipzig 1-1 AS Monaco

Shakhtar Donetsk 2-1 Napoli

Feyenoord 0-4 Manchester City

Liverpool 2-2 Sevilla

Maribor 1-1 Spartak Moscow

Imikino yabaye kuwa Kabiri

Benfica 1 – 2 CSKA Moscow

Manchester United 3 – 0 Basel

Bayern Munich 3 – 0 Anderlecht

Celtic 0 – 5 Paris Saint Germain

Chelsea 6 – 0 Qarabag FK

Roma 0 – 0 Atletico Madrid

Barcelona 3 – 0 Juventus

Olympiacos 2 – 3 Sporting CP

2,626 total views, 3 views today