umu amakuru- Liverpool yatwaye Shampiyona y’Ubwongereza igiye guhura na Arsenal mukanya ,umukino witezweho gushimisha abawureba | Umusingi

Liverpool yatwaye Shampiyona y’Ubwongereza igiye guhura na Arsenal mukanya ,umukino witezweho gushimisha abawureba

Please enter banners and links.

Mu kanya saa kumi n’imwe n’igice hategerejwe umukino utangiza Shampiyona y’u Bwongereza (English Premier League)uhuza Liverpool na Arsenal mu gikombe kitwa Community Shield .

N’umukino utangiza Shampiyona y’u Bwongereza ariko uwo mukino ikipe itsinze itwara igikombe bityo Liverpool nkuko bisanzwe n’iyo ihabwa amahirwe yo gutwara icyo gikombe kubera ko sezo (Season)ishize yatsinze amakipe menshi ndetse itwara igikombe hakibura imikino myinshi.

N’ubwo mu mikino Liverpool yakinnye ya nyuma harimo n’uwo yahuye na Arsenal ndetse Arsenal ikaba yaratsinze Liverpool ariko bamwe mu bafana ba Liverpool bakaba baravugaga ko impamvu Arsenal yayitsinze ni uko yo yari yaramaze gutwara igikombe nta mpamvu yatumaga ishyiramo imbaraga cyane.

Umutoza wa Liverpool Jurgen Klopp

Umutoza wa Arsenal Arteta

Kimwe ni uko bishoboka ko Arsenal yongera igatsinda Liverpool kuko umupira ntugira formula n’iyo ikipe yaba ikomeye agakipe gashobora kuyitsinda nkuko bavuga ngo umupira uridunda na Arsenal ishobora kongera igatsinda Liverpool.

Arsenal ubu ikaba ihagaze neza nyuma yo kugura Willian yaguze muri Chelsea ashobora kuyifasha igatwara igikombe cya Community Shield kuri uyu wa gatandatu tariki 29 Kanama 2020 nyuma yo gutwara igikombe cya FA sezo ishize.

Ubundi ikipe zikinira iki gikombe mu mukino utangiza Shampiyona y’u Bwongereza ni ikipe iba yaratwaye igikombe cya Shampiyona n’ikipe iba yaratwaye igikombe cya FA bityo Liverpool ikaba ariyo yatwaye igikombe cya Shampiyona mu gihe Arsenal ariyo yatwaye igikombe cya FA .

Iyo ikipe imwe itwaye igikombe cya Shampiyona ikanatwara FA nkuko Man City yabikoze umwaka washize ibitwaye byombi ikina Community Shield n’ikipe iba yabaye iya kabiri muri Shampiyona n’iyo mpamvu Liverpool umwaka ushize yakinnye na Man City kubera ko Man City yari yabitwaye byombi hanyuma Liverpool iba iya kabiri.

Ndayambaje F

276 total views, 1 views today

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.