umu amakuru- Sadio Mané uvugwa mu rukundo na Kate Bashabe yatowe nk’umukinnyi mwiza wa 2019 muri Afurika | Umusingi

Sadio Mané uvugwa mu rukundo na Kate Bashabe yatowe nk’umukinnyi mwiza wa 2019 muri Afurika

Please enter banners and links.

Umunya-Sénégal Sadio Mané ukinira Liverpool yo mu Bwongereza yatowe nk’umukinnyi mwiza w’umwaka wa 2019 muri Afurika ahigitse Umunya-Misiri Mohamed Salah bakinana ndetse n’Umunya-Algérie Riyad Mahrez ukinira Manchester City.

Umuhango wo gutanga ibihembo by’abakinnyi bitwaye neza mu mwaka ushize ku Mugabane wa Afurika wabaye kuri uyu wa Kabiri tariki ya 7 Mutarama 2020 i Hurghada mu Misiri; wayobowe na Samuel Eto’o Fils wabaye umukinnyi ukomeye mu makipe y’i Burayi na Cameroun ndetse akaba yaratowe nk’umukinnyi mwiza muri Afurika inshuro enye.

Muri uyu muhango witabiriwe n’abashyitsi batandukanye barimo na Perezida wa FIFA, Gianni Infantino, Sadio Mané w’imyaka 28, yegukanye iki gihembo ku nshuro ya mbere n’amajwi 477.

Yahigitse Umunya-Misiri Mohamed Salah bakinana muri Liverpool, we wacyegukanye mu nshuro ebyiri ziheruka, ubu akaba yagize amajwi 325 kimwe n’Umunya-Algerie Riyad Mahrez wagitwaye mu 2016, we yagize amajwi 267.

Umukinnyi w’umwaka mu bagore, yabaye Umunya-Nigeria Asisat Oshoala w’imyaka 26, wegukanye iki gihembo ku nshuro ya kane atsinze Umunya-Cameroun Ajara Njoya Nchout n’Umunya-Afurika y’Epfo Thembi Kgatlana.

Sadio Mane na El Haji Doufu nawe wakiniye Liverpool na Kanu wakiniye Arsenal

 

Perezida wa TP Mazembe yo muri Repubulika Iharanira Demokarasi ya Congo, Moïse Katumbi, yashimiwe nka Perezida w’umwaka naho Ishyirahamwe ry’Umupira mu Misiri (yakiriye igikombe cya Afurika 2019) ritorwa nk’iry’umwaka.

Umutoza w’Ikipe y’Igihugu ya Algérie, Djamel Belmadi, yatowe nk’umutoza w’umwaka mu bagabo naho Diseree Ellis wa Afurika y’Epfo atorwa nk’uw’umwaka wa 2019 mu bagore.

Ikipe y’Abagore ya Cameroun yatowe nk’ikipe y’umwaka naho iy’abagabo ya Algérie yanatwaye Igikombe cya Afurika cya 2019, aba ari yo itsinda mu kindi cyiciro.

Umukinnyi ukiri muto w’umwaka yabaye Umunya-Maroc Achraf Hakimi w’imyaka 22 ukinira Borussia Dortmund mu gihe umukinnyi witwaye neza mu bakina ku Mugabane wa Afurika ari Umunya-Misiri Tarrek Hamed ukinira Zamalek SC.

Ikipe y’umwaka wa 2019 yatowe muri Afurika igizwe na André Onana, Serge Aurier, Joel Matip, Khalidou Koulibaly, Achraf Hakimi, Idrissa Gana Gueye, Riyad Mahrez, Hakim Ziyech, Mohamed Salah, Pierre Emerick Aubameyang na Sadio Mané.

 

437 total views, 3 views today

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.