umu amakuru- Inkuru y’ubwenge izahembwa na RGB kubera kuyinenga uburyo itanga ibihembo by’abanyamakuru harimo no kubeshya,abigenga bagiye kujya batanga ibihembo ukwabo. | Umusingi

Inkuru y’ubwenge izahembwa na RGB kubera kuyinenga uburyo itanga ibihembo by’abanyamakuru harimo no kubeshya,abigenga bagiye kujya batanga ibihembo ukwabo.

Please enter banners and links.

Ku itariki 8 Ugushyingo 2019 wari umunsi nyafurika w’tangazamakuru ,ukaba warizihijwe maze abanyamakuru bahurira i Kigali mu gasale(Salle)gato batashoboye kugakwirwamo n’abatumirwa bahabwa ibihembo by’abanyamakuru RGB yihitiramo kubaha amafaranga mu buryo budasobanutse.

Mu isesengura Ikinyamakuru   Umusingi cyaakoze harimo ibyo abanyamakuru banenze ariko twizera ko RGB izahemba iyi nkuru kubera kunenga imitangire y’ibihembo byahawe abanyamakuru.

Icya mbere n’uburyo hashyirwaho abitwa aba Judges bahitamo inkuru zihembwa aba bantu abanyamakuru barabanenze uburyo bashyirwaho aho bibaza ubashyiraho kandi abanyamakuru bakagize uruhare mugushyiraho abo bizeye batazabera nkuko bavuga ko mu gutanga ibihembo huzuyemo kubera no kubogama.

Bamwe mu bagize ako kanama gatoranya inkuru zizahembwa abenshi n’abakozi ba Leta ku buryo abanyamakuru bakorera ibitangazamakuru byigenga basanga bo badahagarariwe ari nayo mpamvu ibihembo byinshi cyane byigira muri Leta.

Bamwe mu bagize ako kanama barimo uwitwa Mwewusi Karake ngo retired journalist mbese yabayeho umunyamakuru cyera ariko ubu sinzi ibyo ashinzwe muri RGB kandi RGB niyo itanga ibihembo aho bikaba byibazwa umukozi wa RGB kaba no mu batanga ibihembo wakwizera ute ko hatazabamo kubogaama ?.

 

Ibihembo byahabwaga abanyamakuru

Kangwage wahoze ayobora Akarere ka Rulindo hagati

Bamwe mu bitabiriye gutanga ibihembo by’abanyamakuru

Undi n’uwitwa Diana Mpyisi ukora muri Perezidansi ,Umuvunyi wungirije Musangabatware Clement ,Kim Kamasa yabayeho umwanditsi mukuru w’Ikinyamakuru Izuba Rirashe rya The New Times ritakibaho ndetse yabayeho Umunyamabanga wa mbere muri Ambasade muri Kenya ,Jjuko umwarimu muri Kaminuza y’uRwanda na Muganwa Gonzaga Umunyamabanga nshingwabikorwa w’Ishyirahamwe ry’abanyamakuru mu Rwanda.

Aka kanama abanyamakuru barakanenze cyane ndetse na RGB barayinenze cyane kubeshya abanyamakuru ngo umunyamakuru runaka niwe watsinze mu gihe batashoboraga kwerekana inkuru yakoze ndetse n’izo yatsinze ngo nazo abantu bazirebe ku buryo bavuga bati koko iyi nkuru yaratsinze ndetse no kumenya icyo inkuru yavugaga.

Umwe mu banyamakuru twaganiriye kuri uwo munsi ariko adusaba kutavuga amazina ye tumubajije ku bihembo by’abanyamakuru yagize ati «Ibi bihembo bajye batubwira tuze kureba abo bagabiye amafaranga ntibakavuge ko ari ipiganwa haakagira abatsinze kuko mbona ari abo bashatse kugabira gusa.Ntago tuzongera no kubyitabira kuko birababaje kubona batubeshya ngo runakayatsinze tudashobora kubona inkuru ye yatsinze ,ubwo se turi abaswa ku buryo bajya baza bakatubeshya tukemera ? ».

Yakomeje avuga ati ubundi se kuki batatwereka muri buri kiciro abanyamakuru baba baratanze inkuru zabo ?twabwirwa n’iki niba inkuru zacu zarakiriwe mu gihe batatwereka buri kiciro inkuru zikirimo ?ibyo byose twarabinenze.

Undi n’umuyobozi w’Ikinyamakuru tutaribuvuge amazina ye kuko yabidusabye aho yavuze ko baguye kwishyirahamwe nk’ibitangazamakuru byigenga kuri uwo munsi nabo bajye bahurira ahantu bashimire abanyamakuru bakoze neza ati « Niyo twamuha Laptop ariko tukaba tuzi neza ko yakoze kandi tuzajya dusangira twishime umunsi tuwizihize muri ubwo buryo aho kujya mu bintu byo gutekinika gusa ndetse no kubyigana mu gasale gato abantu babuze aho bicara.

Ibi bifatwa nko gupfobya itangazamakuru ryigenga kuko akenshi usanga irikora inkuru zivugira abaturage zidahembwa ahubwo ugasanga hahembwa inkuru zisingiza abayobozi runaka.

Ibihembo byatanzwe mu buryo bukurikira:

Inkuru nziza y’Umwaka (News Reporting Award)

Karinijabo Jean de Dieu ukorera/Radio&Tv1.

Umunyamakuru uvuga neza amakuru kuri Radio

Mwanafunzi Ismael/Radio Rwanda(RBA)

Umunyamakuru wakoze inkuru nziza ivuga ku Kurengera ibidukikije (Environment Reporting Award)

1. Hakizimana Jean Paul/IGIHE

2. Rabbi Malo Umucunguzi/IGIHE

Umunyamakuru uvuga neza amakuru kuri TV

Paul Rutikanga/TV Rwanda(RBA)

Inkuru icukumbuye (Investigative)

Nzabandora Théogène/Radio&Tv Izuba

Feature Documentary(Inkuru ikusanyije)

Nshimyumukiza Janvier/IMVAHO NSHYA

Umunyamakuru wateguye akanabaza ibibazo neza (Interview of the Year)

Girinema Philbert /IGIHE

Umunyamakuru wafashe amashusho meza (Video Journalism)

Muhire Aristide/RTV (RBA)

Umunyamakuru wafashe amafoto meza (Photo Journalism category)

Kwizera Emmanuel/The New Times

Umunyamakuru wakoze inkuru nziza y’Ubukungu(Business, Finance and Economics Journalism Award)

Iriza Diane/RBA

Ikiganiro cy’imikino gihiga ibindi(Sports Journalism Award)

Urubuga rw’imikino/Radio Rwanda(RBA)

Ikiganiro gihiga ibindi (Talk Show Award)

Imboni musesenguzi cya Jean Pierre Kagabo/RBA

Radio y’Abaturage ihiga izindi(Community Radio of The Year)

Radio Huguka

Radio yahize izindi

Radio Rwanda (RBA)

Televiziyo ikunzwe kurusha izindi

Televiziyo Rwanda (RTV)/ RBA

Ikiganiro cy’imyidagaduro gikunzwe kurusha ibindi(Entertainment Show)

Amahumbezi/RBA

Ikinyamakuru gikunzwe kuruta ibindi byandikirwa kuri internet

IGIHE.com

Umunyamakuru w’umugore wahize abandi (Female Journalism of the Year)

Iriza Diana/RBA

Ibyiciro byihariye

Umunyamakuru wakoze inkuru nziza ivuga ku bumwe n’ubwiyunge(Unite and Reconciliation Award)

Ntakirutimana Alfred/Radio&Tv1

Umunyamakuru wakoze inkuru nziza ivuga ku Buringanire n’abana (Gender, Children reporting Award)

1. Umuhoza Honnore/Radio&Flash TV

2. Ishimwe Rugira Gisele/Kigali Today

Umunyamakuru wakoze inkuru nziza ivuga ku ikoranabuhanga n’itumanaho (ICT and Telecominication Award)

Karinijabo Jean de Dieu /Radio&Tv1

Umunyamakuru wakoze inkuru nziza y’Ubuzima (Health Reporting Award)

Mutuyezu Jean Claude/RBA

Umunyamakuru wakoze inkuru mu Kinyarwanda cyiza (Ikinyarwanda Kinoze Award)

Hakizimana Malachie/Kigali Today

Umunyamakuru wakoze inkuru nziza ivuga ku muco (Culture Promotion Award)

Kanamamugire Emmanuel/Top Africa News

Umunyamakuru wakoze inkuru nziza ivuga ku gutanga serivisi inoze (Service Delivery promotion Award)

Mbonyumugenzi Jean Bosco/Impamba.com hano barabeshye ntago inkuru yatanze ari iyi impamba.com

Umunyamakuru umaze igihe mu mwuga, waranzwe n’ubunyamwuga, ubuhanga..(Lifetime achievement Award)

Amabilisi Sibomana/wahoze akorera Radio Rwanda

Umunyamakuru w’Umwaka(Journalist of the Year)

Kalinijabo Jean de Dieu/Radio&Tv1

Uretse Sibomana, umunyamakuru w’umwaka n’umugore/umukobwa wahize abandi bahawe igihembo na Miliyoni y’amafaranga y’u Rwanda abandi bagiye bahabwa igihembo n’ibihumbi 800 Frw

Ubwanditsi

666 total views, 1 views today

About author

Related Articles

1 Comment

  1. SAKEGA November 12, 2019 at 12:01 pm

    Harimo kubeshya RBA niyo itwara ibihombo byinshi, inkuru Igihe cyandika ibindi bitandika ni izihe?

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.