Abantu ibihumbi 750 bitabiriye akarasisi ka Liverpool yishimira igikombe cya Champions League (reba Amafoto)

Abantu ibihumbi 750 bitabiriye akarasisi ka Liverpool yishimira igikombe cya Champions League (reba Amafoto) | Umusingi

Abantu ibihumbi 750 bitabiriye akarasisi ka Liverpool yishimira igikombe cya Champions League (reba Amafoto)

— June 3, 2019

Please enter banners and links.

Nyuma yo kuva muri Spain ubu umujyi wa Liverpool n’ibyishimo gusa ,Abantu basaga ibihumbi 750 ni bo bitabiriye umuhango wo kwishimira igikombe cya UEFA Champions League ikipe ya Liverpool yegukanye ku wa Gatandatu nyuma y’imyaka 14 itagikozaho intoki.

Ikipe y’umutoza Jürgen Klopp yabigezeho ubwo yatsindaga Tottenham ibitego 2-0 mu mukino wabereye kuri Wanda Metropolitano mu Mujyi wa Madrid muri Spain.

Mohamed Salah na Divock Origi batsinze ibitego byombi byabonetse muri uyu mukino wahuje amakipe yo mu Bwongereza mu irushanwa rihuza amakipe yabaye aya mbere i Burayi.

Ubwo Liverpool yishimiraga igikombe kuri iki Cyumweru mu Bwongereza, amagana y’ibihumbi by’abakunzi bayo bari mu muhanda, bafatanya n’abakinnyi kwishima.

Iyi kipe imaze kwegukana Champions League inshuro esheshatu, yari yatsindiwe ku mukino wa nyuma mu nshuro ebyiri ziheruka, aho yatsinzwe na Milan AC mu 2007 ndetse na Real Madrid mu mwaka ushize.

Liverpool umwaka ushize nabwo yagombaga gutwara iki gikombe ariko yavunikishije umukinnyi ukomeye Mo Salah ndetse n’umuzamu wayo agira ikibazo mu mutwe bituma itsindwa na Real Madrid ariko nk’umutoza wagaragaje ko ari umuhanga yashatse kwihorera agura abakinnyi avuga ko noneho umukinnyi umwe n’iyo yagira ikibazo bitabuza abandi gutwara igikombe.

Abantu benshi bemeye ko iyi kipe ya Liverpool ikomeye ubwo yatsindaga Barcelona ibitego 4 byose ku busa.