umu amakuru- Kayonza :Abayobozi b’ibigo by’amashuri 2 bamaze guhunga igihugu kubera bank ramberi | Umusingi

Kayonza :Abayobozi b’ibigo by’amashuri 2 bamaze guhunga igihugu kubera bank ramberi

Please enter banners and links.

Amakuru acukumbuye Ikinyamakuru Umusingi kimaze kumenya ni uko bank ramberi yugarije abanyakayonza cyane cyane ibigo by’amashuri ,ubu amakuru agezweho akaba ari ay’umuyobozi w’ikigo cy’amashuri rya Ebenezer Academy ndetse akaba ariwe wayoboraga Itorero rya Assembles of God Kayonza yamaze guhunga ibye bikaba birimo gutezwa cyamunara.

Umwe mu bakozi bamukoreraga kuri icyo kigo utashatse ko amazina ye atangazwa yatangarije Ikinyamakuru Umusingi ko Pasiteri Butera Augustin wayoboraga Itorero Assembled of God Kayonza ndetse n’ikigo cy’amashuri cya Ebenezer yamaze guhunga kubera bankramberi ndetse n’inguzanyo ya bank yari yarananiwe kwishyura bityo ibye bikaba birimo gutezwa cyamunara.

Yagize ati “Twumvise ko yahunze ndetse hari abantu bashakaga kugurusha ishuri rye kugirango bank yiyishyure n’abandi bantu twumva ngo bari baramuhaye bank ramberi ananirwa kwishyura”.

Ikinyamakuru Umusingi kikimara kumenya ayo makuru cyashatse kubaza Pasiteri Butera Augustin kuri Telephone ye igendanwa niba ibivugwa aribyo  ariko itanyuramo.

Ntago ari we wenyine umaze guhunga muri Kayonza mu mpera z’umwaka ushize wa 2018 nabwo Ikinyamakuru Umusingi cyanditse inkuru y’umuyobozi w’ikigi cy’amashuri cya St.Theresa Kayonza nawe wahunze igihugu kubera bank ramberi ndetse n’inguzanyo ya bank yananiwe kwishyura.

Amakuru avuga ko impamvu bafata bank ramberi ari uko ubu ibigo by’amashuri bitacyunguka nyuma y’uko Leta ishyizeho amashuri ya nayini(9) na 12 aho abana benshi ariho bajya kwiga kubera ahendutse ariho ababyeyi bajyana abana babo kwiga kubera ubukene.

Pasiteri Butera Augustin

Uwahaye amakuru Ikinyamakuru Umusingi yavuze ko hari n’abandi bakigerageza gukora bafite ibigo by’amashuri ariko nabo bafite bank ramberi ibamereye nabi akongeraho ko bayifata bashaka kwishyura umwenda baba barafashe muri bank ugasanga bishyizeho ibibazo byo kwishyura 2 kandi inyungu nyinshi badashobora kubona bikabaviramo guhunga ibyabo bigatwarwa n’ababa babahaye bank ramberi.

Yakomeje adusobanurira uburyo bank ramberi itangwa aho muri Kayonza avuga ko yumvikana n’ugiye kuyimuha bakagirana amasezerano ko amuhaye ibiryo by’ishuri bihwanye n’amafaranga amuhaye bikitirirwa ko agemurira ikigo ibiryo by’abanyeshuri.

Ibi byo umuyobozi w’ishuri rya St.Theresa Kayonza akaba yarabitwemereye ko asezerana n’uwa ramberi ko amugemuriye ibiryo by’abanyeshuri akamuha amafaranga azamwungukira buri kwezi ku buryo niba azayamarana amezi 6 akabara inyungu zayo wenda urugero nka Miliyoni eshatu akandika ko amuhaye ibiryo bya Miliyoni 6.

Ikinyamakuru Umusingi cyavuganye n’umwe washakaga kugura ikigo cya Ebenezer cya Pasiteri Butera atubwira ko amafaranga bashakaga kukigura bayanze bityo barakireka ariko atubwira ko Pasiteri Butera yahungiye Uganda.

Amakuru avuga ko Pasiteri Butera Augustin yari afite umwenda wa Miliyoni 200 ya Unguka bank tukigerageza kubaza Unguka niba koko ayo mafaranga ariyo yagurijwe akaba yarananiwe kwishyura bikamuviraho guhunga igihugu hiyongereyeho na bank ramberi tukazabibagezaho nabyo.

Gatera Stanley

1,309 total views, 3 views today

About author

Related Articles

4 Comments

  1. Allan March 7, 2019 at 10:07 pm

    Hhhhhh hasigaye Gakwaya Leonard wa ORP Care nawe mumwitege hamwe na BoB musisi Charles yewe kimwe na Shaban winyuga aaahaaa ntibyo
    roshye peeee !!!

  2. emmy March 7, 2019 at 10:09 pm

    Gakwaya Leonard wa ORP Care nawe mumwitege hamwe na BoB musisi Charles yewe kimwe na Shaban winyuga Kayonza we ntiworoshye

  3. Ally March 7, 2019 at 10:10 pm

    Gakwaya nukuntu yirata c byamubaho yewe reka tubitege amaso

  4. Jane March 7, 2019 at 10:12 pm

    Hhhhhh hasigaye Gakwaya Leonard wa ORP Care nawe mumwitege hamwe na BoB musisi Charles yewe kimwe na Shaban winyuga aaahaaa ntibyo
    roshye peeee !!!

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.