FC Barcelone yaguze Ousmane Dembele miliyoni 147 muri Borussia Dortmund

FC Barcelone yaguze Ousmane Dembele miliyoni 147 muri Borussia Dortmund | Umusingi

FC Barcelone yaguze Ousmane Dembele miliyoni 147 muri Borussia Dortmund

— August 26, 2017

Please enter banners and links.

FC Barcelone yemeye kugura Ousmane Dembele wa Borussia Dortmund ku ma Euro ashobora kugera miliyoni 147, bikamugira umukinnyi wa kabiri uguzwe akayabo ku isi.

Mu kugura uyu rutahizamu w’Umufaransa uzahabwa nimero 11, FC Barcelone izishyura mbere miliyoni 105 € , kuri kontaro y’imyaka itanu.

Ousmane Dembele azajya gukorerwa ibizamini by’ubuzima kuwa Mbere, tariki ya 28 Kanama 2017.

Ousmane Dembele azaba aguzwe akayabo akurikiye Neymar uri ku isonga ku isi, uherutse gutangwahomiliyoni 222 € ava muri Barca ajya muri Paris St Germain.

Nk’uko BBC yabitangaje, mu masezerano FC Barcelone izagirana n’uyu mukinnyi mu kumugura, hazashyirwamo ingingo ivuga ko yayivamo atagiye munsi ya miliyoni 400 €.

Barca yananiwe ku nshuro ya gatatu kugura umukinnyi wo hagati wa Liverpool , Philippe Coutinho ikaba iheruka kuzana Miliyoni 136 Liverpool irazanga.

Mu mwaka wa shampiyona ishize, Dembele yatsinze ibitego 10, anatanga imipira 21 yavuyemo ibitego. Dortmund yarangije ku mwanya wa gatatu muri Bundesliga, inatwara igikombe cy’igihugu; yageze no muri ¼ cya Champions League.

2,928 total views, 1 views today