Umusingi

Please enter banners and links.

Muhanga:Umuryango udaharanira inyungu (IMBONIZARWO) ukorero muri kaminuza y’u Rwanda bafatanyije na KASNEB( company y’abanya Kenya),basuye abaturage bo mukarere ka Muhanga baremera abacyecuru  batuye mu mudugudu Kinini,umurenge wa Shyogwe.

 Umuryango ukorera muri Kaminuza y’u Rwanda ufatanyije na company y’abanya Kenya babashije kwegera abacyecuru batuye mu mu dugudu uzwi ku izina “umudugudu w’abacyecuru” uherereye mu mudugudu wa Kinini mu murenge wa Shyogwe Akarere ka Muhanga,uyu mudugudu w’abacyecuru ukaba ugizwe n’ingo 12 zirimo abacyecuru bubakiwe inzu ku bufatanye na AVEGA,ni mu bikorwa bitandukanye uyu muryango wiyemeje gukorera hirya no hino mu gihugu birimo gufasha abashyizwe iheruheru na Jenoside yakorewe Abatutsi   mu rwego rwo kubereka ko batari bonyine mu buzima bwa buri munsi.

 Uyu muryango ufatanyije na KASNEB babashije kuremera aba baturage batuye mu karere ka muhanga aho babahaye ibintu bitandukanye, buri rugo rwahawe matera,amashuka,umufuka w’umuceri,ibiringiti,ikarito y’amasabune,ibiro 20 by’ibishyimbo,umufuka wa kawunga,Litiro 5 z’amavuta hamwe n’agakarito ka korogate byose hamwe bifite agaciro ka Miliyoni ebyiri n’ibihumbi ijana 2,100,000 Frw.

Abaturage bishimiye cyane iki gikorwa bakorewe maze bashimira abaje babagana kubwo kubegera bakabereka ko bari kumwe na bo mu buzima bwa buri munsi,aho aba bacyecuru byari ibyishimo n’umunsi w’umunezero kuri bo baboneyeho no gushimira leta y’u Rwanda yo idahwema kubagaragariza ko bari kumwe na bo umunsi ku munsi.

Umuyobozi w’akarere wungirije ushinzwe imibereho myiza y’abaturage, Fortuné MUKAGATANA yashimye uburyo bahisemo gukora iki gikorwa mu karere ka Muhanga ndetse abashishikariza gukomeza ibikorwa bakora byo kuremera abatishoboye ndetse n’abashyizwe iheruheru na Genocide kuko ni igikorwa kiza.

KWIZERA Jean Pierre,umuyobozi mukuru w’uno muryango IMBONIZARWO mw’ijambo rye yagarutse ku ntego bafite mu guteza imbere igihugu nk’uko bikubiye mu mushinga “YOUTH STRIVE TO BE ROLE MODELS IN FIGTING AGAINEST GENOCIDE IDEOLOGY”,mu byo bakora byose bigamije kubaka amahoro mu muryango nyarwanda hatangwa umusanzu wa buri wese mu kurinda igihugu gusubira mu mateka mabi yaranze igihugu.

Jean Pierre yagarutse avuga ko mubyo bateganya gukora byose bigamije kwereka abashizwe iheruheru na Genocide ko batari bonyine ndetse ko bazakomeza kuba hafi yabo babereka urukundo urubyiruko rufiti.

 Mu ijambo rye yagize ati” urubyiruko rurasabwa gukomeza kugira uruhare rwo kwita ku barokotse Genocide mu rwego rwo kubaremera icyizere bityo kuba urubyiruko ari rwo mbaraga z’igihugu rugomba kwita kuri bano bose kuko ni ababyeyi…. yakomeje asaba urubyiruko ko rukwiye guharanira kubaka amahoro arambye”.

 Uyu muryango ukorera muri kaminuza y’u Rwanda IMBONIZARWO ufatanyije n’abanyeshuri biga muri kaminuza y’u Rwanda ishami rya Gikondo (CBE Cumpus Gikondo) bafite itorero “inkesha “rikaba umwe mu bafatanyabikorwa mu bikorwa uno muryango ukora hirya no hino mu gihugu,iri torero “inkesha” ryashyizweho mu kwezi kwa 10 umwaka wa 2015 ritangira rigizwe n’ababantu 35 baje gukomeza kwiyongera. Mu byo iri torero rikora harimo kubyina no kuririmba mu ndirimbo z’umuco nyarwanda aho bataramira abantu mu birori bitandukanye bifashishije abasore n’inkumi bazi gucinya akadiho bagasusurutsa abanyarwanda binyuze mu mbyino,ubutumwa butangirwa muri iri torero ahanini bugaruka kugusigasira umuco nyarwanda hirindwa ikibi cyose cyaza gishaka kuwangiza.

 Iri torero ryaje rije gufasha uno muryango IMBONIZARWO kunoza no kugera ku ntego biyemeje mu rwego rwo kubona ubushobozi bifashisha mu kuremera abashyizwe iheruheru na Genocide.

Uyu muryango ufite ibikorwa bitandukanye muri kino gihe aho bari kuzenguruka hirya no hino mu gihugu cy’u Rwanda mu turere dutandukanye mu rwego rwo gufasha abaturage bagezweho n’ingaruka za Genocide,iki gikorwa cyatangiriye mu ntara zigize igihugu kikazasorezwa mu mugi wa Kigali.

Gilbert Niyogakiza

2,943 total views, 1 views today