CPJ yasohoye icyegeranyo ko abanyamakuru 259 bari muri gereza

CPJ yasohoye icyegeranyo ko abanyamakuru 259 bari muri gereza | Umusingi

CPJ yasohoye icyegeranyo ko abanyamakuru 259 bari muri gereza

— December 13, 2016

Please enter banners and links.

eFz6-alE

Nkuko CPJ (Committee to Protect Journalists)ibigaragaza ivuga ko guhera taliki ya 1 Ukuboza 2016 ku Isi yose hafunzwe abanyamakuru 259 mu gihe igihugu cya Turkey gifunze umubare munini w’abanyamakuru 81.

Ni gahunda yashyizwe na CPJ ikora ibarura buri mwaka guhera mu 1990 .

CPJ ivuga ko umwaka wa 2014 -2015 igihugu cy’Ubushinwa aricyo cyazaga ku mwanya wa mbere mu gufunga abanyamakuru benshi ,ubu kiba cyarasubiyeho inyuma kiza ku mwanya wa 2 n’abanyamakuru 38 bafunzwe muri icyo gihugu. Joel Simon umuyobozi muri CPJ avuga ko abanyamakuru bakorera hamwe ndetse bahanahana amakuru bagaha n’abaturage serivise zitandukanye ibihugu bimwe na bimwe byica itegeko mpuzamahanga biba byarasinye bigafunga abanyamakuru kandi ari uburenganzira bwabo bwo gukorera abaturage .

Akomeza asaba ibihugu bifunze abanyamakuru kubarekura kuko itangazamakuru kurikora atari icyaha ndetse imiryango iharanira uburenganzira bwa muntu ikwiye guhaguruka ikamagana ibihugu bifunze abanyamakuru bazira umwuga wabo kuko nawo n’umwuga nk’iyindi yose ntago bakwiye gufungwa bazira ko bahisemo kuwukora.

CPJ ivuga ko uyu mwaka igihugu cya Iran aribwo kitaje mu bihugu bya mbere mu gufunga abanyamakuru benshi kuva muri 2008 cyahoraga kiza mu myanya ya mbere cyeretse uyu mwaka nkuko ibarura rya CPJ ribigaragaza.

Ibarura rya CPJ rivuga ko abanyamakuru babazwe ari abafungiye muri gereza za Leta gusa kandi hari abandi banyamakuru baburirwa irengero ndetse abandi bagafatwa n’imitwe irwanya Leta cyangwa bagafatirwa mu bindi bihugu bagafungirwa ahantu hatazwi.

20 % bafunzwe nib a Freelance (Abanyamakuru bigenga)umubare umaze kugabanuka guhera muri 2011.

Umubare munini w’abanyamakuru bafunzwe n’abakorera ibitangazamakuru byandika kuri za murandasi (internet or online)n’abakorera ibinyamakuru byandika mu gihe 14 % bafunzwe ari abakorera radio na Televiziyo.

Janet K

2,505 total views, 1 views today