umu

amakuru-

Gen. Muhoozi Kainerugaba yatabukiye Polisi kubera umuhanzi Bebe Cool watewe amacupa y’amazi | Umusingi

Gen. Muhoozi Kainerugaba yatabukiye Polisi kubera umuhanzi Bebe Cool watewe amacupa y’amazi — March 9, 2020

Please enter banners and links.

Kuwa 7 Werurwe 2020 umuhanzi Cindy Sanyu ukunzwe cyane muri Uganda no mu bindi bihugu harimo n’uRwanda yakoze igitaramo kiswe Boom Party Concert kitabiriwe cyane mu mugi wa Kampala ahitwa Lugogo Cricket Ovo.

Muri icyo gitaramo cyari cyatumiwemo umuhanzi Bebe Cool yagiye kurubyiniro abafana batangira kumutera uducupa tw’amazi nk’ikimenyetso ko batamukunda cyangwa badashyigikiye ibikorwa bye bya politike aho avugira Ishyaka rya NRM riri kubutegetsi .

Uyu muhanzi impamvu abafana mu bitaramo bitandukanye ajyamo bakamutera amacupa ni uko yigeze guishaka guhangana n’undi muhanzi witwa Bobi Wine uyu akaba ari Umudepite wa Kamwokya ndetse akaba aziyamamariza kuyobora Uganda mu matora ateganijwe umwaka utaha wa 2021.

Bobi Wine kubera gukundwa cyane n’urubyiruko rwinshi ikaba ariyo mpamvu ushaka kumurwanya ari umuhanzi mugenzi we ahura n’ibibazo nk’ibyo byo guterwa amacupa ari kuri stage kuko si ubwa mbere Bebe Cool atewe amacupa kuko bwa mbere yatewe amacupa Polisi n’iyo yamutabaye imukura kuri stage babona bimaze gukomera.

N’ubu muri iki gitaramo cya Cindy abafana bamuteye amacupa menshi kugeza ubwo DJ yahagaritse gucuranga ndetse Bebe Cool ava kuri stage aragenda bigaragara ko abahanzi muri Uganda bavanga umuziki na politike aribyo bamwe bashobora kwangiza umwuga wabo bakurikiye agafaranga.

Gen Muhoozi Kainerugaba akaba yanditse kuri twitter ye avuga ko atumva impamvu Polisi naba Kanyama batahaye Bebe Cool umutekano bakareka abantu badasobanutse yise Hooligans bakinjira mugitaramo bagatera Umuhanzi Bebe Cool yavuze ko ari umwe mu bahanzi bakomeye ati ubutaha ntibizongere.

Twabibutsa ko Gen Muhoozi Kainerugaba ari umuhungu wa Perezida Museveni ndetse akaba umujyanama we mu by’umutekano ndetse hakaba hari amakuru avuga ko ashobora kuzasimbura se ku ntebe yo kuyobora icyo gihugu aribyo abantu badashaka.

Muhungu John-Kampala

3,816 total views, 1 views today

About author

umusingi

Related Articles

Leave a reply Cancel

This site uses Akismet to reduce spam. Learn how your comment data is processed.