ADEPR: Graduation ya FATEK yahagaritswe abari bayiteguye bagwa mu kantu

ADEPR: Graduation ya FATEK yahagaritswe abari bayiteguye bagwa mu kantu | Umusingi

ADEPR: Graduation ya FATEK yahagaritswe abari bayiteguye bagwa mu kantu

— March 23, 2019

Please enter banners and links.

Ibirori byo kurangiza amasomo (Graduation Ceremony) ya Tewolojiya muri Kaminuza ya Tewolojiya y’Itorero rya ADEPR izwi nka FATEK biteganyijwe kuri uyu wa Gatanu kuri Dove Hotel bishobora guhagarikwa ku mpamvu zitaramenyekana.

Gusa nubwo aya makuru ahari ko Graduation y’abarangije muri FATEK ishobora guhagarikwa, abarangiza amasomo yabo bo bavuga ko bakomeje imyiteguro ndetse ntacyababuza kujya kuri Dove Hotel ari naho ibirori byabo biteganyijwe kubera.

Umwe mu biteguye Graduation wavuganye n’umubavu yavuze ko nawe ayo makuru yayumvise ariko akayafata nk’ibihuha ndetse ko akibyumva yahise yikanga ariko akavuga ko akomeje imyiteguro ye ndetse agiye kwerekeza kuri Dove Hotel ibirori biteganyijwe kubera akimenyera amakuru yahageze.

Imyiteguro irarimbanyije ku barangije amasomo ya Tewolojiya muri FATEK dore ko bakomeje no guhabwa amakanzu (Gown) na Kaminuza ebyiri zitandukanye nabyo bikomeje kwibazwaho uburyo abanyeshuri biganye bakwambara amakanzu atandukanye.

Twashatse kumenya amakuru kuri ibi byose biri kuvugwa duhamagara umunyamabanga wa ADEPR maze atubwira ko atari kuboneka tumwihanganira akaza kuduhamagara nyuma. Umuvugizi wungirije wa ADEPR nawe ku murongo wa Telefoni yatubwiye ko ari mu nama nubwo hari mu gitondo cya kare.

Turacyakomeza gukurikirana aya makuru yose ngo tumenye icyo Inama Nkuru y’Amashuri Makuru na Kaminuza (HEC) ibivugaho dore ko hari amakuru umubavu ufite ataremezwa n’ubuyobozi bwa HEC ko iyi Graduation baba ari bo bayihagaritse.

@Umubavu.com

3,953 total views, 1 views today