Umusingi

Please enter banners and links.

Amakipe yo mu gihugu cya Espanye byagaragaye ko ariyo akomeye kurusha andi nyuma yuko ikipe ya Real Madrid  isezereye Manchester City yo mu gihugu cy’u Bwongereza  naho Atletico Madrid isezerera Beyern Munich muri ½ cy’irushanwa rya EUFA Champions League rihuza amakipe yabaye ayambere iwayo ku mugabane w’uburayi.

Mu mukino waraye ubaye wahuje Real Madrid yo muri Espanye yaraye itsinze ikipe ya Manchester City igitego 1-0  maze ihita ikomeza ku mukino wanyuma wa EUFA Champions League,aho yasanze mukeba wayo  yo muri Espanye yari yaramaze gusezerera Bayern Munich yo mu Budage.

Nyuma y’uko Real Madrid na Atletico Madrid zibonye itike yo gukina umukino wa nyuma byahise bigaraza ko amakipe yo muri Espanye akomeye kurusha andi kuko mu mikino ya nyuma yiri rushanwa EUFA Champions League iheruka mu myaka itatu ishize yose yabaga iriho nibura ikipe yo muri Espanye.

Mu mwaka wa 2014 umukino wanyuma wahuje ikipe ya Real Madrid na Atletico Madrid zose zo muri Espanye mu mujyi umwe wa Madrid maze igikombe gitwarwa na Real Madrid .

Mu mwaka  ushize wa 2015 umukino wa nyuma wahuje Fc Barcelona nayo muri Espanye na Juventus yo mu Butaliyani maze igikombe cyegukanwa na Barcelona itsinze Juventus ibitego 3-1.

Uyu mwaka ugiye kongera guhuza izi kipe Real Madrid na Atletico Madrid zihora zihanganye.Abasesengura  iby’umupira w’amaguru ntibabura kuvuga ko Atletico Madrid ariyo ishobora kucyegukana kubera ko yahigitse ibihange nka mukeba wayo Barcelona ndetse na Baryern Munich zose zahabwa amahirwe yo kugitwara.

Amateka agaragaza ko mu myaka 3 yose yikurikiranya iki gikombe cya EUFA Champions League kigiye gutaha muri Espanye,mu myakata 3 kandi Real Madrid na Atletico Madrid zigiye guhura inshuro 2 ku mukino wa nyuma.

Umukino wa nyuma wa EUFA  Champions League biteganyijwe ko uzabere ku kibuga cya Giuseppe Meazza cya AC Milan na FC Internazionale Milano mu Butaliyani ku italiki ya 28 Gicurasi uyu mwaka.

Zigama Theoneste

3,818 total views, 3 views today