Umuhanzi Dan Runyange yamennye amabanga yabitse imyaka 25 harimo kuvugisha umutwe w’umuntu.(Vidio)

Umuhanzi Dan Runyange yamennye amabanga yabitse imyaka 25 harimo kuvugisha umutwe w’umuntu.(Vidio) | Umusingi

Umuhanzi Dan Runyange yamennye amabanga yabitse imyaka 25 harimo kuvugisha umutwe w’umuntu.(Vidio)

— June 2, 2020

Please enter banners and links.

Umuhanzi Dan Runyange uririmba indirimbo zihimbaza Imana yaganiriye N’ikinyamakuru Umusingi gifite na Youtube yitwa Umusingi TV maze avuga ibintu bitangaje byatumye yakira agakiza.

Dan Runyange uzwi mu ndirimbo nka Mana dukize uburetwa yagize ati « Hari ibintu numva ndambiwe kubigira ibanga kubera ko byari bibi. Kuba Imana yarampaye agakiza niyo mpamvu mbivuze kugirango n’abantu babimenye ndetse n’abandi bagikora ibyaha babireke ».

Umuhanzi Dan Runyange akaba afite impano yo gusengera abantu bagakira nkuko tuzabagezaho ikindi kiganiro atubwira uburyo afite iyo mpano ndetse n’abatangabuhamya.

Mubyo Dan Runyange avuga ko amennye amabanga avuga ko cyera akiba mu gihugu cya Uganda hari ibintu bakoraga bitari byiza aho bazengurukaga igihugu cyose babeshya abantu ko bavugisha umutwe w’umuntu abantu bakishyura ari benshi kandi ari ukubashushanya.

Avuga ko bafataga imeza bakayipfumuramo umwenge munini maze mu mpande zayo bagashyiraho ibirahure ku buryo uhagaze harya atabona ikiri munsi y ‘ameza maze bagafata umuntu bakamwicaza muri ya meza umutwe we ukanyuzwa muri wa mwenge bakasemo umutwe we ukaba ariwo ugaragara ku meza umeze nkuwo bateretseho ariko bawusize amakara.

Ibyo bintu ngo abantu bazaga kureba uburyo umutwe uvuga bakishyura amafaranga ariko ibyo bintu Dan Runyange akaba avuga ko bitari byiza kubeshya abantu n’ubwo yabonaga amafaranga menshi bityo ahitamo kubivamo yakira agakiza ubu akaba ashimira Imana yabimukijije.

Avuga ibintu byinshi yakoraga akiri umunyabyaha kuko ngo iyo babonaga amafaranga muri ibyo bintu bajyaga kunywa inzoga bakajya no mu buraya ndetse n’ibiyobyabwenge byose babinywa ariko ubu akaba ashimira Imana yamukijije ibyo byaha ikamuha ubuzima bwiza ubu akaba ari umuhanzi ukomeye ndetse Imana ikaba yaramuhaye umugore n’abana ubu akaba afite urugo rwiza.

Noella

2,699 total views, 3 views today