Umusingi

Please enter banners and links.

Kuwa 23 Ukwakira 2017 hatanzwe ibihembo bitandukanye maze rutahizamu wa Real Madrid n’Ikipe y’Igihugu ya Portugal, Cristiano Ronaldo, yatowe nk’umukinnyi mwiza w’umwaka wa 2016/2017 mu bihembo bitangwa n’Ishyirahamwe ry’Umupira w’Amaguru ku Isi (FIFA).

Uyu mugabo w’imyaka 32 yatowe arushije amajwi Umunya-Brazil, Neymar da Silva Santos Júnior ukinira Paris St Germain n’Umunya-Argentine, Lionel Messi bari bahanganye, yongera kwegukana iki gihembo ku nshuro ya kabiri yikurikiranya.

Ibirori byo gutanga ibi bihembo byabaye ku mugoroba wo kuri uyu wa Mbere, tariki ya 23 Ukwakira 2017, mu muhango wabereye muri London Palladium yakira abantu 2,286, iherereye mu Mujyi wa Westminster mu Bwongereza.

Messi na Ronaldo ibihangange bari bicaranye bategereje kureba utsinda undi

Christiano Ronaldo amaze gutsinda Messi na Neymar

Christiano Ronaldo yaherekejwe n’umuhungu we ndetse n’umukobwa w’inshuti ye utwite inda ya Ronaldo

Lionel Messi n’umugore we

Neymar

Rutahizamu w’ikipe ya Arsenal Olivier Giroud

Diego Maradona n’umugore we

Umutoza wa Real Madrid Zidane niwe warushije abandi batoza atwara igihembo cy’umutoza w’umwaka

Ronaldo Gifaru

Cristiano Ronaldo yageze mu cyumba cyabereyemo umuhango wo gutanga ibihembo aherekejwe n’umukobwa w’inshuti ye uri hafi kwibaruka Georgina Rodriguez n’umwana we Cristiano Jnr.

Uyu rutahizamu yahawe iki gihembo abikesha gufasha Real Madrid, gutwara igikombe cya Shampiyona yo muri Espagne ‘La Liga’ n’icya Champions League mu mwaka ushize w’imikino wa 2016/2017. Ronaldo amaze gutsinda ibitego 44 muri Real Madrid n’Ikipe y’Igihugu ya Portugal mu 2017.

Messi bari bahanganye yatsinze ibitego 50 muri Barca na Argentina mu gihe Neymar, umukinnyi wanditse amateka yo kugurwa akayabo ka miliyoni 198 z’ama-pound, yatsinze 25 akinira Barca, PSG na Brazil.

Aba bakinnyi uko ari batatu banagarutse mu ikipe y’umwaka yiganjemo aba-Real Madrid, igizwe na Gianluigi “Gigi” Buffon na Leonardo Bonucci bakinira Juventus yo mu Butaliyani; Daniel Alves da Silva na Neymar Junior ba Paris Saint-Germain; Sergio Ramos, Marcelo Vieira da Silva Júnior, Luka Modrić, Toni Kroos,Marcelo, na Cristiano Ronaldo ba Real Madrid na Andrés Iniesta na Lionel Messi bakinira FC Barcelone.

Mu bindi bihembo byatanzwe Umufaransa utoza Real Madrid, Zinedine Zidane yatowe nk’umutoza w’umwaka atsinze Massimiliano Allegri wa Juventus na Antonio Conte utoza Chelsea; Gianluigi Buffon wa Juventus yatowe nk’umunyezamu mwiza atsinze Keylor Navas wa Real Madrid na Manuel Neuer ukina muri FC Bayern Munich.

Igihembo cy’uwatsinze igitego cyiza cyatwawe na Olivier Giroud ukina muri Arsenal atsinze abakinnyi barimo Kevin-Prince Boateng wa Las Palmas; Alejandro Camargo wa Universidad de Concepcion; Moussa Dembele wa Celtic; Mario Mandzukic ukinira Juventus na Nemanja Matic wa Manchester United; mu gihe igihembo cy’abafana cyatwawe n’aba Dortmund batsinze aba Celtic n’aba FC Copenhagen yo muri Denmark.

Uyu muhango witabiriwe n’abatoza bakomeye n’abahoze bakina umupira wa maguru bakanyujijeho  barimo rutahizamu Ronaldo Luís Nazário de Lima; Umunya-Argentine, Diego Maradona; David Seaman wahoze ari umunyezamu wa Arsenal n’abandi banyaduhigo batandukanye.

N’ibirori bishimisha abakinnyi n’abafana ndetse n’abakunzi b’umupira w’amaguru ku Isi yose.

Ndayambaje F

3,241 total views, 3 views today