umu amakuru- Birungi Jean Bosco arasabirwa kwegura ku mwanya wa Perezida wa “Table Tennis” nyuma yo gutorwa n’abanyamuryango batemewe | Umusingi

Birungi Jean Bosco arasabirwa kwegura ku mwanya wa Perezida wa “Table Tennis” nyuma yo gutorwa n’abanyamuryango batemewe

Please enter banners and links.

Birungi Jean Bosco arasabirwa kwegura ku mwanya wa Perezida w’Ishyirahamwe rya “Table Tennis mu Rwanda” kuko mbere yo gutanga kandidatire yabanje gutekinika kugira ngo azongere gutorwa.

Birungi Jean Bosco yongeye gutorerwa kuba Perezida w’Ishyirahamwe rya Tennis ikinirwa ku meza (Table Tennis) tariki ya 20 Ukuboza 2019, ariko mbere y’aho yari yabanje kuzana abanyamuryango baturuka mu makipe atagira ubuzimagatozi kugira ngo bazamutore akomeze guhindura iri shyirahamwe nk’akarima ke.

Nyuma y’uko gutorwa ikinyamakuru impamba.com cyavugishije bamwe mu banyamuryango b’iri shyirahamwe bafite ibyangombwa bavuga ko icyifuzo cyabo ari uko amatora yashyizeho Birungi yateshwa agaciro kuko afite imiziro itamwemerera kubahagararira.

Nubwo amashyirahamwe (federations) y’imikino mu Rwanda afatwa nk’ayigenga, ariko aba banyamuryango barasaba Minisiteri ya Siporo ndetse na Komite Olempike gusuzuma imyitwarire ya Birungi Jean Bosco muri manda ya mbere hagasuzumwa n’amakipe yamutoye, ayo matora akaba yasubirwamo kugeza hatowe umuyobozi w’inyangamugayo uharanira guteza imbere umukino kuruta Birungi wifashisha umukino wa Table Tennis mu nyungu ze.

Manda iheruka y’Ishyirahamwe rya Table Tennis Burungi na bamwe mu bo bari bafatanyije muri Komite Nyobozi batuye mu Mujyi wa Kigali bavuzweho kunyereza amafaranga y’u Rwanda agera muri miliyoni 24, ariko uwahoze ari Visi Perezida we witwa Bihoyiki Jean Baptiste yagaragaje ayo makosa ashyirwaho amananiza kugeza asezeye.

Mu zindi nkuru ikinyamakuru impamba.com gitegura kubagezaho hari uburyo Birungi Jean Bosco yishyize ku buyobozi yifashishije inzira zo gushaka ubuzima gatozi nabyo bikozwe rwihishwa, uburyo kuri manda ye hagiye yatangwa ameza yo gukiniraho agahabwa ibigo by’amashuri bidafite gahunda yo gukina uyu mukino, uburyo iri shyirahamwe ibiro byaryo biri mu bihora bikinze n’andi makuru menshi umunyamakuru atarondora.

Birungi Jean Bosco ngo mu Rwanda hari abanyamakuru ajya yemera kuvugisha nabo batarenze babiri mu bandika n’abandi asuzugura akumva ko ntacyo yabatangariza kubimuvugwaho byose kuko amakuru baba bifuza kumubaza ataba agamije kumwamamaza.

Burungi Jean Bosco inshuro nyinshi yahamagawe kugira ngo agire icyo atangaza, yakunze gukwepa abanyamakuru kubera ko yangaga ko amabanga ye bayashyira hanze bigakoma mu nkokora umugambi yari afite wo kongera kwiyamamariza umwanya wo kuba Perezida w’Ishyirahamwe rya Table Tennis mu Rwanda.

Source:Impamba.com

445 total views, 11 views today

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.