umu amakuru- Umunyamakuru Kagaba Emmanuel wakoreye ibinyamakuru bitandukanye yarapfuye ntibyamenyekana | Umusingi

Umunyamakuru Kagaba Emmanuel wakoreye ibinyamakuru bitandukanye yarapfuye ntibyamenyekana

Please enter banners and links.

Amakuru arimo kuvugwa mu gihugu ni umunyamakuru witwa Kagaba Emmanuel witabye Imana abanyamakuru bagenzi be ntibabimenya ngo bajye kumushyingura.

Umwe mu bantu bo mu muryango we tutashoboye kumenya amazina ye akaba aherutse kubwira umwe mu banyamakuru ko Kagaba Emmanuel yapfuye mu kwezi kwa kabiri uyu mwaka.

Iyi nkuru ibabaje Ikinyamakuru Umusingi kikaba cyayimenye gihita kibaza bamwe mu bantu bari baziranye nawe bemeza ko Kagaba Emmanuel yapfuye koko.

Bamwe mu banyamakuru batandukanye bakoranye nawe bababajwe n’urupfu rwa mugenzi wabo wapfuye ntibabimenye ngo bajye kumushyingura.

Umwe mu banyamakuru bakoranye nawe wadusabye kutavuga amazina ye yagize ati « Ni ukuri birababaje kuba Kagaba yarapfuye ntitubimenye ngo tujye kumushyingura kuko twakoranye neza kandi yari umunyamakuru ukuze kandi uzwi birababaje cyane ».

Undi yagize ati nk’abanyamakuru twese tubabajwe ni inkuru ya Kagaba kuba yarapfuye ntitubimenye byibuze ngo tujye kumushyingura ariko ntakundi Imana imwakire mubayo.

Bamwe mu banyamakuru bamaze igihe mu itangazamakuru batangije igitekerezo cyo kujya gusura umuryango we aho yari atuye mu Karere ka Nyagatare kugirango basure umuryango banababwire ko batamenye urupfu rwe.

Nta makuru menshi Ikinyamakuru Umusingi kiramenya ajyanye n’icyo yaba yarazize ariko tuzakomeza kubaririza tumenye icyo yaba yarazize.

Abanyamakuru bakorera ibitangazamakuru byigenga babayeho mu buzima bugranye aho ibinyamakuru cyane cyane ibyigenga kubona amatangazo yo kwamamaza bigoranye cyane kandi ubundi itangazamakuru ritungwa no kwamamaza bityo bigatuma mu Rwanda abakorera ibinyamakuru byigenga cyane cyane ibyandika babaho mu buzima bugoranye cyane.

Kagaba Emmanuel akaba yarakoreye ibinyamakuru bitandukanye birimo Umuseso ,Umwezi,Umusingi n’ibindi bitandukanye.Imana imwakire mubayo.

2,123 total views, 81 views today

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.