umu amakuru- Byakomeye:Uwari umuvugizi wa ADEPR Karangwa John wari warigize uwahatari akatiwe gufungwa iminsi 30 y’agateganyo. | Umusingi

Byakomeye:Uwari umuvugizi wa ADEPR Karangwa John wari warigize uwahatari akatiwe gufungwa iminsi 30 y’agateganyo.

Please enter banners and links.

Nkuko mu bizi Ikinyamakuru Umusingi cyakomeje kubagezaho amakuru yo muri ADEPR ndetse n’amakuru yifatwa rya Karangwa John wari umuvugizi wungirije ushinjwa gukoresha inyandiko mpimbano.

Kuri uyu wa gatanu tariki 15 Ugushyingo 2019 nibwo yagombaga gusomerwa n’urukiko rwa Kagarama muri Kicikiro akaba amaze gukatirwa gufungwa iminsi 30 y’agateganyo.

Ashinjwa kuba yaratanze dipolome y’impimbano nkuko byagaragajwe n’umushinjacyaha aho avuga ko yize muri Uganda ndetse akaba afite n’indi yo mu gihugu cya Philippine ariko amakuru tugitohoza ni uko uwamuhaye iyo Dipolome ya Uganda atarangije no kumwishyura nkuko tukibikurikirana ndetse n’amazina ye tukaba twayamenye ariko twirinze kuyavuga kugirango inkuru yacu idapfa.

Kuwa 12 Ugushyingo 2019 mu cyumweru gishize nibwo Karangwa John yaburanye ndetse bamwe mu ba Pasiteri bamushyigikiye bakaba barashatse kurwana n’abanyamakuru badashaka ko bafotora Karangwa avuye mu rubanza ndetse Karangwa akaba yaracishijwe mu gikari cy’urukiko yihisha itangazamakuru ariko Ikinyamakuru Umusingi yateye camera yamufashe bamwihutisha yiruka ajya mu modoka ya RIB yari yamuzanye yahise imujyana.

Karangwa John twamufotoye yiruka ahunga itangazamakuru ava ku rukiko umunsi aburana

Bamwe mu bagaragaje imyitwarire idakwiye aba Pasiteri n’abakirisitu muri ADEPR bashaka kurwana n’abanyamakuru

Bamwe mu bakirisitu muri ADEPR banenze abapasiteri bo muri ADEPR bashatse kurwana n’abanyamakuru ndetse umwe witwa Karangwa James n’undi twamenye w’Inyeragutabara witwa Ritararenga batukaga abanyamakuru aho abakirisitu bari baje mu rubanza babonye imyitwarire yabo barayinenga .

Umwe mu bakirisitu utarashatse ko amazina ye atangazwa yagize ati “Ntubonye imyitwarire y’Abapasiteri bacu?abapasiteri batukana mu bantu bakarwana n’abanyamakuru ndetse bashaka kumena camera yabo.

Amakuru dufite ni uko hari abandi bayobozi bakomeye muri ADEPR nabo bashobora gukurikiranwa kubera inyandiko mpimbano .

Twabibutsa kandi mbere y’uko aburana urubanza rwe rwasubitswe ariko umunsi rusubikwa hakaba hari abagabo babiri bazanye inkoko 2 ku rukiko imwe y’umweru indi itukura aho byateje ikibazo ikizanye izo nkoko ku rukiko aho hari abavugaga ko ari abapfumu ba Karangwa bazohereje kugirango bice urubanza afungurwe ataburanye.

2,877 total views, 7 views today

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.