umu amakuru- Sudan: Omar al-Bashir yagejejwe muri gereza hategerejwe umunyamahirwe abaturage baha ubutegetsi | Umusingi

Sudan: Omar al-Bashir yagejejwe muri gereza hategerejwe umunyamahirwe abaturage baha ubutegetsi

Please enter banners and links.

Amakuru aturuka mu gihugu cya Sudan ni uko uwahoze ari Perezida Omar Al Bashir uherutse guhirikwa ku butegetsi n’igisirikare akabanza gufungirwa mu nzu icungiwe umutekano, yajyanywe muri gereza yo mu murwa mukuru Khartoum.

Umwe mu ba hafi mu muryango we yabwiye itangazamakuru ko Bashir “yajyanywe muri gereza ya Kober i Khartoum mu ijoro ryashize” nkuko The Daily Monitor ikinyamakuru cyo muri Uganda yabitangaje.

Imyaka 30 y’ubutegetsi bwa Bashir yashyizweho iherezo n’igisirikare kuwa 11 Mata 2019 nyuma y’imyigaragambyo y’abaturage yari imaze amezi ane ,ubu hakaba gategerejwe umunyamahirwe abaturage baribuhitemo guha ubutegitsi kuko bashaka ko buva ku gisirikare ubutegetsi bukaba ubwabaturage.

Icyakora ihirikwa rya Bashir ntiryanyuze abigaragambya kuko bakiri mu mihanda basaba ko inama nkuru y’igisirikare yahiritse Bashir ikaba iyoboye inzibacyuho, nayo yavaho hakajyaho ubutegetsi bwa gisivile.

Bashir w’imyaka 75 yashyiriweho impapuro zo gutabwa muri yombi n’urukiko mpanabyaha mpuzamahanga (ICC) ngo akurikiranweho ibyaha bya Jenoside byakorewe mu ntara ya Darfur guhera mu 2003.

Akanama ka gisirikare kafashe ubutegetsi kuwa Gatanu w’icyumweru gishize katangaje ko katazatanga Bashir ngo aburanishwe n’amahanga. Icyakora kuwa Mbere Gen Sheikh Jalaluddin, umwe mu bagize akanama kayoboye igihugu, yavuze ko icyemezo kizafatwa na Guverinoma ya gisivile nimara kujyaho.

Ku wa Kabiri w’iki cyumweru Leta ya Uganda yari yatangaje ko yiteguye guha ubuhungiro Bashir naramuka abusabye.

Biravugwa ko Bashir ashobora koherezwa kuburanira hanze haramutse hagiyeho ubutegetsi bw’Abasivile kuko ikigaragara ari uko bari bamurambiwe nta rukundo bamufitiye .

 

967 total views, 1 views today

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.