Umusingi

Please enter banners and links.

Gen.Nkunda Laurent ubu ari mu Rwanda ariko Abakongomani bafacyamwifuza kuko bavuga ko Gen.Nkunda yari umuyobozi mwiza ndetse n’iyo mpamvu Abaperezida nka Obasanjo wahoze ari Perezida wa Nigeria yaje guhura na Gen.Nkunda akamupfukamira kandi icyo gihe Gen.Nkunda yari akiri inyeshyamba.

Bamwe mu bazi Gen.Nkunda bavuga ko DR Congo yahombye umuyobozi mwiza umwe mu babanye na Gen.Laurent Nkunda yagize ati “Nkunda is a Leader”.

Uwo mu muntu wabanye na Gen.Nkunda muri Congo yavuze ko GEN.nKunda yakabaye yereka Africa ko Africa ibishatse Isi yose yapfukamira Africa kuko ikize cyane.

Uwo mugabo wabanye na Gen.Nkunda utarashatse ko amazina ye atangazwa yavuze ko Abaperezida bahoraga bisuka muri Congo baje guhura na Nkunda bamusaba ko bakorana bakibonera ubutunzi kuko Congo ifite ubutunzi bwinshi cyane kandi butandukanye .

DR Congo ifite amabuye yagaciro atandukanye arimo zahabu ,corota n’andi atandukanye ,ikagira imbaho cyangwa ingiga z’ibiti  bakunda kwita black wood ingiga imwe igura ibihumbi 7000 by’amadorari kandi usanga amakaamyo menshi apakira umunsi ku wundi zoherezwa I Burayi.

Umuntu uzi ibya politike ashobora kwibaza impamvu uwahoze ari Perezida wa Nigeria Obasanjo yaje gusura Gen.Nkunda akamupfukamira akamuha na kado y’igitenge cy’ibubu kandi Gen.Nkunda ari inyeshyamba?ntago ari Obasanjo gusa ahubwo ibihugu nka Russia bikomeye ,Ubufaransa n’ibindi byinshi wasangaga bashaka kubonana na Gen.Nkunda ukaba wakwibaza impamvu ibihugu bikomeye ku isi byahoraga bishaka kubonana na Gen.Nkunda.

Gen.Nkunda ni uko politike itamugendekeye neza nkuko biba no kubandi ugasanga umunyapolitike ageze ahantu heza isi yose itangiye kumubonamo akamaro bakamwica cyangwa bakamugambanira agafatwa agafungwa na Gen.Nkunda iyo politike itamugendekera nabi ubu aba ayoboye igihugu kizwi ku isi yose ko gifite ubukire ndetse kiri mu bihugu bya mbere bitunze isi yose.

Uko isi yose iba ihanze amaso Africa byakabaye urugero rwiza ibihugu by’Africa byishyize hamwe byakira ndetse n’Abanyafurika bohora bajya I Burayi ntago bakongera kwifuza kujya I Burayi cyangwa Amerika n’indi migabane.

Ubu abantu baribaza iherezo rya Gen.Nkunda icyubahiro yari afite icyo gihe,amafaranga menshi yari afite aho byagiye kuko atazwi aho aherereye n’ubwo bizwi ko ari mu Rwanda.

Gen.Nkunda yari afite igice kinini kicukurwamo amabuye ya gaciro ku buryo yabonaga amadorari menshi ku munsi ariko ubu abantu bakaba bibaza niba yarafashwe n’uRwanda agafungwa amafaranga ye yagiye he?ese Gen.Nkunda azongera kugaragara?abamukundaga bangere kumubona?.

Ikinyamakuru Umusingi kigeze kugirana ikiganiro n’umugore we nyuma yahoo umugabo we Gen.Nkunda yari yafashwe n’uRwanda ahitwa kuri Baoba I Nyamirambo icyo gihe umugore we yemeye ko umugabo we afunzwe ndetse ajyayo akamusura bakabonana.

Hari abandi bagerageje kumwigana muri Congo nabo ubu ubuzima bwabo butameze neza kandi nabo bari abakire barimo Gen.Ntaganda Jean Bosco ubu ufungiwe I Rahe ndetse n’abandi barimo Col.Makenga n’abandi bo bakaba bari mu buhungiro mu gihugu cya Uganda barahoze bafite umutwe w’inyeshyamba wa M23.

Izo nkuru zose turaza kujya tuzibagezaho uko ubuzima bwabo bwari bumeze ndetse n’amakuru avuga ko uretse Gen.Nkunda na Gen.Ntaganda bonyine nibo bagiye muri Congo bashaka gufata ubutegetsi ariko abandi bajyagayo bafite imitima 2 umwe wo kwibonera ibirombe by’amabuye y’agaciro undi ari uko bashaka ubutegetsi ariko abo bandi ahanini bishakiraga ubukire.

Ba Col.Makenga n’abandi bagiye babona uburyo ba Gen.Nkunda na Gen.Ntaganda babonaga Amadorari menshi nabo bakagira igitekerezo cyo kuzajyayo ariko kubera politike y’igihugu cya Congo igoranye bitoroshye kuba inyeshyamba ugafata ubutegetsi bisanze batsinzwe Gen.Nkunda arafatwa na Gen.Ntaganda biba uko yishyikiriza Ambaasade y’Amerika mu Rwanda ubu ari mu gereza kandi ubu bakabaye barimo kurya ayo bakoreye ndetse bameze neza n’imiryango yabo abandi nabo barahunga ubu n’impunzi ibyo byose abantu bakaba bibaza iyo ni politiki nyabaki inanira abagerageje gushaka gufata ubutegetsi muri Congo.

3,364 total views, 1 views today