Umusingi

Please enter banners and links.

Uyu munsi Kuwa 18 Kanama 2016 Jonathan McKinstry umutoza w’ikipe y’igihugu Amavubi   nyuma y’amezi atanu yongereye amasezerano y’imyaka ibiri  amaze kwirukanwa ku murimo ye.

Ni nyuma yaho ikinyamakuru ibitangazamakuru bitandukanye bivuga ko bikesha amakuru umunyamabanga Uhoraho muri MINISPOC  Lt. Col. Rugambwa Patrice yari yavuze ko uyu mutoza ashobora gutoza umukino wa Ghana cyangwa nta wutoze bitewe n’impande zombi uko zizaba zumvikanye.

Yagize ati “  Iyo  abantu basinye amasezerano umwe ntayubahirize  habaho kureba icyo amasezerano ateganya mu kuyasesa cyangwa kuyahagarika”.

Mu cyumweru gishize nibwo umutoza yasabwe ibisobanuro

McKinstry mu cyumweru gishize yashyikirijwe ibaruwa imusaba ibisobanuro  ku bijyanye n’ikipe y’igihugu ko yasezerewe mu matsinda yo guhatanira igikombe cy’Afurika ndetse no kuba yarafashe ikipe iri ku mwanya wa 68 ku rutonde ngaruka kwezi rwa FIFA maze ubu akaba ayigejeje ku mwanya 121.

Kuwa kabiri w’iki cyumweru  McKinstry  nibwo yagejeje ibisonanuro yari yasabwe  kuri MINISPOC maze birasuzumwa nyuma biteshwa agaciro hakurikijwe ibyari bikubiye mu masezerano.

Mugitondo  cyo kuri uyu wa Kane nibwo umuntu wasabye abanyamakuru kudatangaza amazina ye  maze avuga ko uyu mutoza amaze gushyirikizwa ibaruwa imwirukana ku mirimo yo gutoza ikipe y’igihugu  Amavubi.

Uyu mutoza azahabwa ukwezi nyuma yo kwirukanwa ku bihumbi 10 by’amadolari, hafi miliyoni 7,939,721.63 mu mafaranga y’u Rwanda yari asanzwe ahembwa.

Mashami wigeze kungiriza McKinstry arimo gutoza ikipe y’Amavubi mato

Eric Nshimiyimana nawe uhabwa amahirwe

Zimwe mu nshingano uyu mutoza yari afite

McKinstry yari yiyemeje kugeza ikipe y’igihugu Amavubi mu gikombe cy’Afurika  kizabera muri Gabon umwaka utaha wa 2017 (AFCON 2017) ndetse no kugera kure hashoboka mu guhatanira itike yo kujya mu gikombe cy’isi cya 2018, ariko ntiyabigezeho.

-Amavubi yasezerewe na Libya kubitego 3-1 mu mukino wo kwishyura wo gushaka itike y’igikombe cy’Isi cya 2018.

Jonathan McKinstry  yatsinzwe imikino 12 mi mikino 25 amaze gutoza ,anganya imikino 2,atsinda imikino 11.

Uko Amavubi yitwaye kuva atangiye gutozwa na McKinsrty

29/03/2015    (FIFA Friendly)    Zambia    2-0    Rwanda

06/06/2015    FIFA Friendly    Rwanda    0-0    Kenya

07/06/2015    FIFA Friendly    Rwanda    2-0    Tanzania

14/06/2015    CAF Nations Cup Qual    Mozambique    0-1    Rwanda

28/08/2015    FIFA Friendly    Rwanda    3-1    Ethiopia

05/09/2015    CAF Nations Cup Qual    Rwanda    0-1    Ghana

12/09/2015    FIFA Friendly    Rwanda    0-1    Gabon

13/11/2015    FIFA World Cup Qual    Libya    1-0    Rwanda

17/11/2015    FIFA World Cup Qual    Rwanda    1-3    Libya

21/11/2015    CECAFA Cup    Ethiopia    0-1    Rwanda

24/11/2014    CECAFA Cup    Rwanda    1-2    Tanzania

27/11/2015    CECAFA Cup    Rwanda    3-0    Somalia
01/12/2015    CECAFA Cup QF    Rwanda    0-0 (5-3p)    Kenya

03/12/2015    CECAFA Cup SF    Rwanda    1-1 (4-2p)    Sudan

05/12/2015    CECAFA Cup F    Uganda    1-0    Rwanda

06/01/2016    FIFA Friendly    Rwanda    1-1    Cameroon

10/01/2016    FIFA Friendly    Rwanda    1-0    DR Congo

16/01/2016    CAF Nations Championship    Rwanda    1-0    Ivory Coast

20/01/2016    CAF Nations Championship    Rwanda    2-1    Gabon

24/01/2016    CAF Nations Championship    Morocco    4-1    Rwanda

30/01/2016    CAF Nations Championship QF    Rwanda    1-1 (1-2et)    DR Congo

26/03/2016    CAF Nations Cup Qual    Mauritius    1-0    Rwanda

29/03/2016    CAF Nations Cup Qual    Rwanda    5-0    Mauritius

28/05/2016    FIFA Friendly    Rwanda    0-2    Senegal

04/06/2016    CAF Nations Cup Qual    Rwanda    2-3    Mozambique.

Jonathan McKinstry yirukanwe nyuma yaho haburaga iminsi mike ngo abakinnyi b’ikipe y’igihugu bahamagarwe mu mwiherero w’ikipe y’igihugu Amavubi  wo kwitegura umukino uzabahuza na Ghana tariki 3 Nzeli uyu mwaka.

Havuzwe byinshi mu itangazamakuru ubwo yahabwaga akazi bimwe mu byavugwaga ni uko uyu mutoza yari akiri muto atazwi bikavugwa ko ntaho azageza iyi kipe Amavubi.Ikindi cyavuzwe ni uko yahawe akazi ako kanya agasubira kwiga ,ibyo byose byaravuzwe mu itangazamakuru ko umuntu ukiri muto ,utararangiza no kwiga ,utaratozaho ikipe ikomeye byibuze ko yishakiraga gukora CV ye kugirango abone uko azajya gutoza ahandi.

Hagiye havugwa byinshi none ibyavugwaga ko ntaho azayigeza ndetse ko atabishoboye gutoza bibaye ukuri ahubwo ikipe yayisubije inyuma cyane ugereranije naho yayisanze.

Abatoza bashobora gutoranwamo uzatoza iyi kipe

Nyuma yo kwirukanwa k’umutoza Jonathan McKinstry abashobora kuvamo ugomba gutoza iyi kipe ku mukino wa Ghana wo guhatanira itike y’igikombe cy’Afurika ni :Mashami Vicent, Masudi Djuma,Nshimiyimana Eric na Kanyankore Yaounde ariko amahirwe menshi arahabwa Mashami Vicent na Nshimiyimana Eric.

Ndayambaje F

2,911 total views, 1 views today