umu amakuru-  Mugambira ushinjwa koshya abantu kujya mu buraya yaburanishijwe | Umusingi

hotel-eden-golf-rock-ya-mugambira-aphrodis-_foto-internet_  Mugambira ushinjwa koshya abantu kujya mu buraya yaburanishijwe

Please enter banners and links.

hotel-eden-golf-rock-ya-mugambira-aphrodis-_foto-internet_

 

Urukiko rw’Ibanze rwa Bwishyura mu Karere ka Karongi rwaburanishije Mugambira Aphrodice ukurikiranyweho icyaha cyo gushishikariza, koshya cyangwa kuyobya umuntu umushora mu buraya.

Urubanza rw;uyu munyemari, nyiri Hotel Golf Eden Rock, iri ku Kivu muri Karongi yaburanye ifungwa n’ifungurwa ry’agateganyo kuri uyu wa 11 Kanama 2016.

Umucamanza yabanje kugaragariza abitabiriye urwo rubanza ibaruwa y’ubushinjacyaha yo ku wa 11/08/2016 isaba ko uru rubanza ruba mu muhezo.

Ubushinjacyaha muri iyi baruwa buvuga ko bwashingiye ku kuba hari abatangabuhamya bakoze cyangwa abagikorera muri iyi hoteli, kuba mu iburanisha haribugarukemo amagambo ajyanye n’imibonano mpuzabitsina yagira ingaruka ku Muco Nyarwanda ndetse no kuba Mugambira akora ubucuruzi bikaba bishobora kugira ingaruka kuri bizinesi ze kandi atarahamwa n’icyaha.

Mugambira wari kumwe n’abamwunganira batatu ari bo Me Sam Nkubayingoga, Me Jerome Musafiri na Me Manirakiza Claude, yabanje kubazwa niba icyaha akurikiranyweho acyemera, avuga ko atakemera ndetse anabazwa icyo avuga kuri iyi baruwa y’ubushinjacyaha, avuga ko na we yifuza kuburana mu muhezo.

Nyuma y’iburanisha muri uyu muhezo, ryamaze amasaha abiri n’igice, urukiko rwemeje ko umwanzuro ku ifunga n’ifungura uzasomwa ejo ku wa gatanu saa yine.

Amakuru akaba avuga ko uyu muherwe Mugambira Aphrodice ibye bidasaba kugira abunganizi benshi aribwo azatsinda icyangombwa n’abamushinja ,tubibutse ko yari yarafunzweho ariko ku bindi byaha.  

Uru rubanza rwimuwe inshuro ebyiri, aho rwari kuburanishwa ku wa kabiri w’iki cyumweru, nyuma rwimurirwa ku wa gatatu, hageze na bwo rwongera kwimurirwa uyu munsi.

Mugambira Aphrodice yatawe muri yombi ku wa kane w’icyumweru gishize, akurikiranyweho icyaha cyo gushishikariza, koshya cyangwa kuyobya umuntu umushora mu buraya, gihanwa n’ingingo ya 206 yo mu gitabo cy’amategeko ahana ibyaha mu Rwanda.

Iyi ngingo iteganya igihano cy’igifungo kuva ku mwaka umwe kugeza ku myaka 3 n’ihazabu y’amafaranga y’u Rwanda kuva ku bihumbi magana atanu (500.000) kugeza kuri miliyoni ebyiri (2.000.000) cyangwa kimwe gusa muri ibyo bihano.

Iki cyaha bivugwa ko yagikoze ahatira abakobwa akoresha muri hoteli ye kuryamana n’abakiriya bayigana.Tuzakomeza kubagezaho amakuru ya Mugambira kugeza aho urubanza ruzarangirira.

Ubwanditsi

 

1,187 total views, 1 views today

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.