Impamvu Gen Nyamvumba yambwiye umunyamakuru Rutareka ko ari umwanzi w’Igihugu kurusha Gen Kayumba Nyamwasa (Vedio)

Impamvu Gen Nyamvumba yambwiye umunyamakuru Rutareka ko ari umwanzi w’Igihugu kurusha Gen Kayumba Nyamwasa (Vedio) | Umusingi

Impamvu Gen Nyamvumba yambwiye umunyamakuru Rutareka ko ari umwanzi w’Igihugu kurusha Gen Kayumba Nyamwasa (Vedio)

— November 18, 2025

Please enter banners and links.

Rutareka wahoze ari umukozi wa Orinfor cyangwa RBA ubu wahunze igihugu akaba ari mu nkambi y’Impunzi mu gihugu cya Uganda yatangarije Ikinyamakuru Umusingi na Omusingi TV uko yakize kwicwa nyuma yo gutangiza Ishyaka mu Rwanda.

Rutareka mu kiganiro na Omusingi TV yagize ati “Nahamagajwe mu nzego zitandukanye kugeza ubwo Gen Nyamvumba yambwiye ko ndi umwanzi w’Igihugu kurusha Gen Kayumba Nyamwasa”.

Rutareka avuga ko we n’abagenzi be 20 batangije Ishyaka ryitwaga Rwanda Risistance Democratic Movement ariko bikamuteza ibibazo bikomeye cyane ku buryo yirukanywe mu Muryango wa RPF ndetse agahunga igihugu nyuma yo kumenya ko yagombaga kwicwa.

Yakomeje avuga ko icyatumye batangiza Ishyaka ari uko babonaga hari byinshi bitagenda neza kandi RPF yari yariyemeje kubikora uko bikwiye aho avuga ko nta bwisanzure bw’itangazamakuru n’uburenganzira bwa kiremwamuntu n’ibindi.

Tuziko Ishyaka ritangijwe naryo riba rishaka kuyobora igihugu bityo Rutareka akaba yarashakaga gukuraho Perezida Kagame wari waramuhaye akazi imyaka myinshi ndetse yakoraga mu itangazamakuru rya Perezidanse ndetse Rutareka akaba yaragendanaga na Perezida Kagame mu bihugu bitandukanye.

Ikinyamakuru Umusingi cyashatse kubaza ubuyobozi bwa RDF ariko ntibyadukundira ariko umunsi twabonye uko tuvugana n’Umuvugizi w’Ingabo za RDF tuzabagezaho ibyo azatubwira.