umu amakuru-  Pasiporo imwe y’ibihugu by’Afurika itangiwe mu Rwanda bwa mbere | Umusingi

one_passport  Pasiporo imwe y’ibihugu by’Afurika itangiwe mu Rwanda bwa mbere

Please enter banners and links.

one_passport

 

Perezida Idris Deby wa Chad unayoboye inama y’Umuryango wa Afurika Yunze Ubumwe, AU, niwe washyikirijwe bwa mbere pasiporo yari itegerejwe igihe kinini, izaba ihuriweho n’ibihugu byose kuri uyu mugabane w’Afurika.

Iyi pasiporo kandi yashyikirijwe Perezida Paul Kagame nk’Umukuru w’igihugu cyakiriye iyi nama ya 27 ari nayo imurikiwemo iyi pasiporo Nyafurika.

Perezida Deby yayakiranye ibyishimo, abanza kuyisoma nyuma yo kuyibumbura akayereka imbaga y’abakuru b’ibihugu n’abadipolomate bari bateranyiye muri Kigali Convention Center.

Perezida Kagame nawe yayakiriye amwenyura, nk’umushinga ibihugu byaharaniye igihe kinini ariko ukaba ushobotse kuri uyu wa 17 Nyakanga 2016, ukaba witezweho kuba intambwe ikomeye iteza imbere urujya n’uruza rw’abantu kuri uyu mugabane.

Perezida wa Komisiyo ya AU, Dr Nkosazana Dlamini Zuma, yabwiye abakuru b’ibihugu ko basabwe n’inzego zinyuranye ko nabo bayihabwa, ariko bikazakurikiza amabwiriza ibihugu bigenderaho mu gutanga pasiporo.

one_passport

Ati “Navuga ko twasabwe cyane ko zagenerwa abandi baminisitiri, abayobozi no ku bandi banyafurika bifuza ako gaciro ko gutunga pasiporo Nyafurika. Turasaba ko mu gihe tuzitangaje uyu munsi, twemeranye n’ibihugu gutanga pasiporo ku baturage babyo nk’uko bisanzwe bimera mu bihugu byabo, igihe bizaba bibyiteguye neza.”

Dr Dlamini Zuma yavuze ko mu minsi ibiri ishize itsinda ribishinzwe ryakusanyije amakuru y’abandi bakuru b’ibihugu, ku buryo pasiporo zabo bahita bazishyikirizwa, kimwe na ba Minisitiri b’ububanyi n’amahanga ndetse na ba ambasaderi b’ibihugu muri AU.

Perezida Deby yavuze ko iyi ari intambwe ikomeye mu cyerekezo cya Afurika, akaba atewe ishema no kuba ari mu bagiye kuyikoresha ku ikubitiro.

Urujya n’uruza rw’abantu, ibicuruzwa na serivisi ni imwe mu ntego z’imena zishyizwe imbere n’uyu mugabane mu cyerekezo cy’imyaka 50 iri imbere, gahunda izwi nka Agenda 2063.

Koroshya ingendo niyo nzira yoroshye, izi pasiporo zigafatwa nk’inkingi mwikorezi izatuma hakemurwa icyo kibazo kimaze imyaka ibihumbi.

Umwe mu baturage wabajijwe n’Ikinyamakuru Umusingi witwa Kanamugire ku bijyanye n’uko yumva iyi Pasiporo izamarira Abanyarwanda ndetse n’ibindi bihugu by’Afurika yagize ati “iki n’ikimenyetso ko na Leta z’unzu ubumwe za Afurika zigiye gutangira kuko niba habonetse Pasiporo izahabwa abatuarge bose bagashobora kujya guhaha mu gihugu yumva ashaka cyangwa akajya gucururiza aho ashaka iyo ni intambwe ikomeye cyane turashimira Perezida Kagame wateguye iyi nama kubera mu Rwanda n’abagenzi be bose bafatanije kwemeza iki cyemezo cya Pasiporo y’Afurika”.

Abandi hirya no hino mu gihugu muri za taxi aho bagendaga wasangaga baganira bavuga ko kuba iyi Pasiporo itangiwe mu Rwanda ari amateka ku gihugu cy’uRwanda .

Gatera Stanley

 

1,151 total views, 1 views today

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.