Umusingi

Please enter banners and links.

Kuwa 18 kugeza 20 Ishyirahamwe ry’Abanyamakuru barwanya SIDA mu Rwanda (ABASIRWA)basuye Akarere ka Rusizi ku mupaka wa Bugarama aho bagiranye ikiganiro n’Ishyirahamwe ryabakora uburaya ryitwa Abiyemeje guhnduka.

Abanyamakuru bakigera mu Karere ka Rusizi bakiriwe n’ushinzwe ubuzima mu Karere Gatera Ejide wabahaye ikaze ndetse abajyana gusura ibitaro bya bya Gihundwe kugirango barebe serivise zijyanye no kurwanya ubwandu bushya zitangwa ndetse akomeza no kubafasha kubageza ku bakora uburaya.

Mbere y’uko ibiganiro bitangira Umunyamabanga nshingwabikorwa wa ABASIRWA Innocent Bahati yabanje gusobanurira abakora uburaya i Bugarama impamvu baje kuganira nabo ari mu rwego rwo gukora ubuvugizi ku bibazo biba byagaragajwe bitandukanye ati « Niba hari ahakigaragara ubwandu bushya bw’agakoko gatera SIDA cyangwa niba nta dukingirizo tuboneka n’ibindi bibazo bitandukanye bityo abanyamakuru bakabyandikaho inkuru hanyuma abafata ibyemezo nabo bakamenya ahari ibibazo bakabikemura ».

Mu kiganiro bagiranye n’abanyamakuru abakora uburaya bavuze byinshi ku bijyanye n’uburaya bakora n’igituma abakora uburaya baba benshi aho umwe muribo tutavuga amazina nkuko yabidusabye yavuze ko ubukene ari kimwe mu gituma abakobwa benshi babyarira iwabo ubuzima bukabagora bagahitamo kujya mu buraya.

Meya wa Rusizi Kayumba Ephrem

Bamwe mu bakora uburaya Bugarama muri Rusizi

Perezidante w’Ishyirahamwe ry’abakora uburaya Musabyemariya Assumpta  yavuze ko bose hamwe bagera kuri 400 muribo abanduye agakoko gatera SIDA ari 274 ati « Twafashe ingamba zo kugabanya ubwandu bushya bw’agakoko gatera SIDA ndetse twarahuguwe bihagije n’udukingirizo turatubona duhagije ndetse n’abandi bitabwaho bagakurikiranwa bagafata imiti igabanya ubukana uko bikwiye no kwigishwa kutanduza abandi ».

Umuyobozi w’iyi koperative Musabyemariya yakomeje avuga ko bahuguwe ko bakwiye kwirinda SIDA y’indundi n’ingande cyangwa inkongomani kubera baturiye umupaka uhuza ibyo bihugu kandi hagaragara uruza n’urujya rw’abantu batandukanye kubera imipaka bityo bashobora kwanduzwa SIDA iturutse muri ibyo bihugu bihana imbibi n’uRwanda ariyo mpamvu bose bafite udukingirizo two kwirinda gukora imibonano idakingiye.

Mu bibazo bitandukanye abakora uburaya i Bugarama bavuze ,Abanyamakuru bashatse kumenya icyo ubuyobozi bw’Akarere ingamba bufite maze Meya w’Akarere ka Rusizi Kayumba Ephrem avuga ko Leta y’uRwanda itemera uburaya ariko bitabujije abantu kubukora ariko Leta ifanije n’izindi nzego icyo bakora ni ukubavura ariko mu myumvire kugirango gukora uburaya ntibibe amahitamo.

Ku bijyanye no kurwanya ubukene Meya yavuze ko hari imishinga bakorana nayo bagiye kuganira nayo nka  World Vission ,SFHI na Imbuto Foundation  bongere babafashe kubigisha imishinga itandukanye biteze imbere ndetse hari n’ikigo kibigisha ubukorikori  kitwa Girubuntu nacyo tuzavugana nacyo babigishe ku buntu.

Gatera Stanley

4,060 total views, 1 views today