DR Congo: Inzu ya perezida Kabila yatwitswe n’abantu batazwi irakongoka

DR Congo: Inzu ya perezida Kabila yatwitswe n’abantu batazwi irakongoka | Umusingi

DR Congo: Inzu ya perezida Kabila yatwitswe n’abantu batazwi irakongoka

— December 26, 2017

Please enter banners and links.

Kuri uyu wa 25 Ukuboza 2017 hari kuri Noheri ,Inzu ya perezida Joseph Kabila wa Repubulika iharanira Demokarasi ya Congo, yagabweho igitero n’abantu bitwaje ibirwanisho bataramenyekana basiga bayitwitse irakongoka.

Iyi nkuru dukesha Radio Okapi ndetse yagaragaye no mu binyamakuru bitandukanye iravuga ko hari ahagana saa kumi za mugitondo kuri uyu wa Mbere, itariki 25 Ukuboza 2017 ubwo inzu ya perezida Kabila iherereye ahitwa Musienene, mu birometero 40 mu majyepfo ya Butembo muri Teritwari ya Lubero yagabwagaho igitero n’abantu batamenyekanye bagasiga bayitwitse.

Inzu ya Kabila irimo gushya

Aya makuru akaba yemejwe n’umuyobozi wa teritwari, Joy Bokele, wemeje ko umupolisi wari urinze iyi nzu yishwe n’abakoze ibi bikekwa ko ari inyeshyamba z’umutwe wa Mai-Mai, ndetse hakaba havugwa ko umurambo we watwitswe.

Kimwe mu byaba byateye iki gitero nk’uko amakuru yageraga kuri Radio Butembo avuga, ngo hari ibihuha byavugaga ko iyi nzu ya perezida Kabila yari icumbitsemo abasirikare b’abanyamahanga nubwo bitigeze byemezwa.

Hagati aho, iperereza ryahise ritangira ngo hamenyekane abakoze ibi n’icyo bari bagamije nk’uko abayobozi bakomeje bavuga.

2,689 total views, 3 views today