Umusingi

Please enter banners and links.

Uyu munsi amakuru aturuka mu gihugu cya Uganda  ni uko umupolisi wafashwe n’abandi bantu 9 bashinjwa gushimuta impunzi z’Abanyarwanda barimo na Lt.Joel Mutabazi yongeweho ikindi cyaha cyo gushimuta undi munyarwanda witwa Vincent Kalisa bamushimutiye ahitwa Luweero.

Ibitangazamakuru byo muri Uganda birimo ikitwa softpower kuri uyu wa kabiri tariki 19 Ukuboza 2017  byanditse bivuga ko umupolisi ufite ipeti ryo hejuru witwa Nixon Agaasirwe yari yarasabye ko ahagararirwa n’abantu 3 bakomeye kugirango urukiko rwa gisirikare rumurekure aburane ibyaha ashinjwa adafunze.

Nixon Agasirwe afunganywe na Rene Rutagungira n’abandi bantu bose hamwe uko ari 9 bashinjwa gushimuta impunzi z’Abanyarwanda ariko kuri Rene Rutagungira uherutse kwandikira Gen.Muhoozi amumenyesha uburyo yakorewe ihohiterwa rikomeye aho yari afungiye amusaba ko yakwinjira mu kibazo cye akaba yamufunguza.

Nixon Agasirwe ashinjwa gushimuta impunzi z’Abanyarwanda

Nixon Agasirwe uyu munsi nibwo ubusabe bwe bwanzwe n’urukiko rwa gisirikare I Makindye aho bamushyizeho ikindi cyaha cyo gushimuta undi munyarwanda witwa Vincent Kaliisa nkuko tubikesha softpower afatanije n’uwitwa Abdulnul Ssemujju aka Minana bagashimuta undi munyarwanda.

Uyu Minana akaba yari umuntu wahaga polisi amakuru akaba yari amaze iminsi yihisha hisha nyuma yo kumenya ko abo yakoranaga nabob a Nixon bafashwe ariko nawe nyuma y’igihe yarafashwe ubu akaba afunze.

Ejo kuwa mbere nibwo urukiko rwa gisirikare rwavuze ko Nixon afatanije na Minana ku itariki 13 z’ukwezi kwa 8 2017 bashimuse undi munyarwanda ahitwa Lukooli Village mu Karere ka Luweero.

Ikindi ni uko mu bantu 3 bakomeye yari yavuze ko bemeye kumwishingira kugirango afungurwe aburane ari hanze harimo uwitwa Col.Atwooki Ndahura akaba ariwe wategetse ko impunzi zirenga 40 z’Abayarwanda ziherutse gufatirwa muri Uganda ariwe wategetse ko bafatwa.

Umucamanza mu rukiko rwa gisirikare Gen.Andrew Guti yavuze ko Abdulnul Minana na Nixon Agasirwe bitwaje imbunda na Grinade bashimuse undi munyarwanda bamusubiza mu Rwanda witwa Vincent Kaliisa binyuranije n’amategeko ingingo ya 239 n’iya 242 y’itegeko nshinga ry’Igihugu cya Uganda.

3,321 total views, 1 views today