Mary Gahonzire mu bapolisi 308 bo kurwego rwo hejuru basubijwe mu buzima busanzwe

Mary Gahonzire mu bapolisi 308 bo kurwego rwo hejuru basubijwe mu buzima busanzwe | Umusingi

Mary Gahonzire mu bapolisi 308 bo kurwego rwo hejuru basubijwe mu buzima busanzwe

— August 3, 2016

Please enter banners and links.

gahonzire

Kuri uyu wa Gatatu taliki ya 3 Kanama 2016 Polisi y’u Rwanda yasezereye ku mugaragaro abapolisi 308 bagiye mu kiruhuko cy’izabukuru, barimo Mary Gahonzire wari umwe mu bayobozi bakuru ba polisi bungirije.

Gahonzire yabaye Umuyobozi Mukuru wa Polisi mbere yo kugirwa Umuyobozi mukuru wungirije mu Rwego rushinzwe imfungwa n’abagororwa (RCS), umwanya yavuyeho agarurwa muri Polisi aho atamaze igihe akaba agiye mu kiruhuko cy’izabukuru.

Mu bapolisi bakuru basezerewe harimo DCGP Stanley Nsabimana,Mary Gahonzire, Cyprien Gatete; ACP Sam Karemera, Wilson Rubanzana, Francis Nkwaya, Jimmy Hodali na Joseph Rudahingwa.

nsabimana

Nsabimana Nsabimana nawe wari umuyobozi mukuru wa polisi wungirije na we yagiye mu kiruhuko cy’izabukuru

Mu bagiye muri icyo kiruhuko harimo abakomiseri bakuru ba polisi bungirije babiri bavuzwe hejuru, hakabamo umukomiseri umwe wa polisi n’umukomiseri umwe wungirije ari we ACP Jimmy Hodari.

Umuhango wo kubasezerera wayobowe na Minisitiri w’Umutekano Sheikh Mussa Fazil Harelimana, mu bawitabiriye hakaba harimo n’umuyobozi mukuru wa Polisi IGP Emmanuel Gasana ndetse n’Umunyamabanga Uhoraho muri Minisiteri y’Umutekano.

Fazil4

Fazil

Fazil2

Fazil3

fazill

Minisitiri w’Umutekano yabagejejeho ubutumwa bwa Perezida wa Repubulika wabashimiye akazi bakoreye igihugu harimo umusanzu wa bamwe muri bo mu rugamba rwo kukibohora.

Ati “Icya mbere ni ukubagezaho ishimwe ry’igihugugu nasabwe kubagezaho na Nyakubahwa Perezida wa Repubulika. Mu izina ry’Igihugu arabashimira ubwitange mwagize, akazi keza mwakoze haba bamwe muri mwe mu kubohora igihugu no guhagarika jenoside ndetse ntibyarangiriraho ahubwo mugira uruhare mu kubaka u Rwanda rubereye buri wese.”

Gatera Stanley

4,634 total views, 3 views today