Za mpunzi z’abanyarwanda 43 baherutse gufatwa bajya muri Tanzania bajyanywe muri gereza ikorerwamo iyicarubozo

Za mpunzi z’abanyarwanda 43 baherutse gufatwa bajya muri Tanzania bajyanywe muri gereza ikorerwamo iyicarubozo | Umusingi

Za mpunzi z’abanyarwanda 43 baherutse gufatwa bajya muri Tanzania bajyanywe muri gereza ikorerwamo iyicarubozo

— December 14, 2017

Please enter banners and links.

Kuri uyu wa kane tariki 14 Ukuboza 2017 amakuru aturuka muri Uganda aravuga ko impunzi z’Abanyarwanda 43 nkuko ubu umubare wavugwaga mbere wari 40 bakuwe aho bari bafungiwe hitwa Rwizi muri Mbarara babajyana muri gereza yitwa Nalufenya muri Jinja.

Ikinyamakuru dukesha iyi nkuru kitwa softpower kivuga ko izi mpunzi zatwawe na Polisi mu ijoro ku girango bidateza ikibazo.

Izi mpunzi z’Abanyarwanda zafashwe kuri uyu wa mbere zifatwa zimaze kwambuka umupaka wa Kikagati zinjiye muri Tanzania ,nyuma nibwo baje gufatwa na Polisi ya Uganda ibashinja kugira ibyangombwa byibihimbano.

Iyi nkuru y’impunzi z’Abanyarwanda irimo urujijo rwinshi kuko softpower yasohoye inkuru bwa mbere yavuze ko ari itsinda ry’impunzi z’Abanyarwanda bari bagiye mu ivugabutumwa mu gihugu cy’Uburundi.

Muri iyi inkuru y’izo mpunzi haravugwamo ibihugu bitatu ndetse hakavugwa imitwe y’inyeshyamba 2 ,kugeza ubu ntiharamenyekana ukuri nyako.

Amakuru avuga ko bari bagiye muri Tanzania andi akavuga ko bari bagiye mu ivugabutumwa mu gihugu cy’uBurundi ndetse hakaba abavuga ko bari bagiye muri RNC muri DR Congo gutozwa.

Andi makuru akaba yaravugaga ko bashobora kuba barajyaga mu mutwe wa ADF urwanya ubutegetsi bwa Perezida Museveni ariko haribazwa impamvu bajyanywe muri gereza ya Nalufenya ifungirwamo abakoze ibyaha bikomeye birimo kugambanira igihugu .

Softpower ivuga ko yabajije umuvugizi wa Polisi muri Uganda SSP Emilian Kayima yemeza ko itsinda ry’impunzi zirimo abagore n’abasore bafunzwe na Polisi barimo kubazwa.Kujya muri Tanzania bihurira he no kujya muri DR.Congo n’uBurundi no kwambuka umupaka bagafatwa nyuma ?.

2,781 total views, 3 views today