umu amakuru- Shaddy Boo ntiyumva uburyo Polisi yinjira mu mazu y’abantu nta rupapuro rw’isaka ifite | Umusingi

Shaddy Boo ntiyumva uburyo Polisi yinjira mu mazu y’abantu nta rupapuro rw’isaka ifite

Please enter banners and links.

Mbabazi Shadia wamamaye nka Shaddy Boo akanaba umwe mu bagore b’ibyamamare ku mbuga nkoranyambaga cyane cyane kuri Instagram, yabajije Polisi y’u Rwanda impamvu yinjira mu ngo z’abantu kuzisaka nta rupapuro rwo gusaka ibifitiye.

Shaddy Boo yabajije Polisi ibi abinyujije kuri Twitter ye aho yagize ati “Muraho Rwanda Police nshaka kubaza ese searching warrant (urupapuro rw’isaka) imaze iki niba Polisi isigaye yinjira mu mazu y’abantu igasaka nta warrant bafite kandi ntibasobanure impamvu basaka inzu y’umuntu ese ibyo nibyo?? RIB ndashaka ubusobanuro”. Ubu butumwa Shaddy Boo yabunyujije kuri Twitter na Instagram ye, icyakora kuri Instagram yongeyeho ko yabonye abo bapolisi basimbutse igipangu.

Shaddy Boo yanditse ibi asubiza uwitwa Patrick wibazaga ikibazo gisa nk’iki cye aho yagize ati “Nanjye ndabyibaza ni ukuri si no mu mazu tubamo aho dukorera ukabona bari gukomanga wakanga gufungura ukabona nabi…”.

Shaddy Boo

Yasubije uyu agira ati “Niba nawe barakomanze abo nabonye bo buriye igipangu”.

Mu gusubiza Shaddy Boo, Polisi y’u Rwanda ibinyujije kuri Twitter yagize iti “Mwiriwe Shaddy Boo, Mutwandikire muduhe nimero zanyu za Telefoni muduhe amakuru arambuye kuri iki kibazo”.

Ikinyamakuru UMUBAVU cyashatse kumenya icyo Shaddy Boo avuga kuri ibi, maze ku murongo wa Telefoni igendanwa avuga ko ntacyo yarenzaho ndetse nta n’icyo gutangaza kuri ibi afite.

 

Source/umubavu.com

786 total views, 1 views today

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.