umu amakuru- Mbabazi wari mushuti wa Kaweesi yashyize hanze andi mabanga uburyo umusirikare w’umwicanyi Jjuko yinjiye mucyumba cye ashaka kumurasa ariko Imana iramukiza.(Vidio) | Umusingi

Mbabazi wari mushuti wa Kaweesi yashyize hanze andi mabanga uburyo umusirikare w’umwicanyi Jjuko yinjiye mucyumba cye ashaka kumurasa ariko Imana iramukiza.(Vidio)

Views:
351

Mbabazi Christine wavuzwe ko azi amabanga y’uwishe Andrew Felix Kaweesi yavuze ko uwari ukuriye ISO (Internal Security Organisation)witwa Kaka yamubwiye ko avuga ko Gen.Kayihura yamwemereye ko azamuha Miliyoni 200 .

Mbabazi avuga ko yamubwiye ko adashobora kubeshya isi yose kuko ari icyaha kandi ari umwaku yaba asigiye abana be n’abuzukuru be ati ndabizi uzanyica ariko sinzabeshya.

Mbabazi mu mashusho n’amajwi yoherereje abanyamakuru icyo aho yari afungiwe mu rugo yabagamo ahitwa Lungujja yavuze ko Lt. Juuko yaje mu cyumba cye afite imbunda ashaka kumurasa ariko Imana iramukiza haza abandi basirikare benshi basanga ataramurasa.

Mbabazi agira ati “Imana nsenga yaranyumvise kuko sinsenga amabuye iyo batamubona yinjira iwanjye byari birangiye uwo munsi muri hotel yitwa Cottage”.

Kitagenda uherutse gufatwa ashinjwa kwica Kaweesi

Mbabazi Christine

Amakuru avuga ko Mbabazi Christine ari umunyarwandakazi uba muri Uganda nk’abandi bose yari mushuti magara ya Kaweesi ndetse amakuru akaba avuga ko no mu nama yo kwica Andrew Felix Kaweesi yari ayirimo ahubwo icyo Mbabazi adasobanura muri hotel yagezemo ate?nyuma akavamo agafungirwa iwe mu rugo ukwezi kose.

Mu minsi ishize hafashwe undi mugabo w’umupolisi witwa Kitagenda ushinjwa guhagarika imodoka umunsi bamurasa agapfa maze avuga ko n’uwo mugabo yari muri iyo nama .

Mu mvugo ya Mbabazi Christine wumva asa nushinja Kaka ko ashobora kuba azi abishe Kaweesi ariko ashaka kubahishira aho avuga ngo amaraso ya Kaweesi akomeze arire kugeza igihe ukuri kuzamenyekana abamwishe bakamenyekana bagafatwa.

Ibyo Mbabazi yavuze icyo byatangiye kuba ukuri kuko yasabye ko abamwishe bafatwa none Kitagenda wafashwe agatinya kumwica urubozo yemeye ko ari mu bishe Kaweesi ndetse avuga ko yatumwaga n’abakuru muri Polisi.

Gusa ibyabo biracyarimo urujijo kuko Mbabazi Christine asa n’ushinja ISO Kaka ko yamuhatiraga gushinja Gen.Kayihura none Kitagenda wari umupolisi w’inshuti ya Kaweesi yavuze ko yatumwe naba Boss be bo hejuru barimo uwitwa Nixon Agasirwe ufunze kandi Nixon nawe akaba avuga ko hari abamutumaga.

Perezida Museveni we yavuze ko ADF ariyo izabazwa impfu z’abantu bishwe barimo Andrew Felix Kaweesi ,Suzan Magara n’abandi bishwe barashwe mu buryo butangaje ati “Aho bihishe muri Congo tuzabasagayo tubafate inama mbagira ni uko bizana bagasaba imbabazi”.Mbabazi avuga ko n’ubwo yakwicwa ariko isi yaba imenye ukuri .

Hari amazina menshi yavuze nkuko muri buyumve bamwe avuga ko atabazi ahubwo ko akwiye guceceka ntagire icyo avuga ahubwo akemeza ko Gen.Kale Kayihura ariwe wamuhaye Miliyoni 200 ariko aranga ahubwo asaba Afande Kaka kumutera ubwoba ko azamwica.

 

About author

Related Articles

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.