Impamvu abo kwa Rwigara basabye ko urubanza rwabo rusubikwa

Impamvu abo kwa Rwigara basabye ko urubanza rwabo rusubikwa | Umusingi

Impamvu abo kwa Rwigara basabye ko urubanza rwabo rusubikwa

— October 6, 2017

Please enter banners and links.

Uyu munsi Kuwa 6 Ukwakira 2017 mu rukiko rwisumbuye rwa Nyarugenge mu cyumba cy’iburanisha saa yine zuzuye ababuranyi batambutse imbere y’inteko y’abacamanza. Diane, murumuna we Anne na nyina Adeline Rwigara. Bari baje kuburana ifungwa n’ifungurwa ry’agateganyo. Iburanisha rigitangira bahise bavuga ko batiteguye kuburana… Diane Rwigara washakaga kuba umukandida mu matora ya Perezida wa Republika akurikiranyweho icyaha cyo gukoresha impapuro mpimbano.

Murumuna we Anne na nyina Adeline bahuriye ku cyaha bashinjwa cyo guteza imvururu muri rubanda.

Nyina Adeline Rwigara we hakiyongeraho icyaha ashinjwa cyo kubiba amacakubiri muri rubanda.

Diane Rwigara ba Anne Rwigara

Abaregwa baje imbere y’uburanisha

Urubanza rwitabiriwe n’abantu benshi, abanyamakuru benshi bo mu gihugu n’ab’itangazamakuru ryo mu mahanga.

Mu cyumba cy’iburanisha ariko ntabwo bari kumwe n’umunyamategeko wari kubunganira aribyo itangazamakuru ryaketse kuba bataburana badafite ubunganira mu mategeko.

Diane Rwigara niwe wahise asaba ko urubanza rwabo rusubikwa kuko nta mwunganizi bafite ndetse ko batabonye umwanya uhagije wo gutegura urubanza rwabo.