Home / amakuru / Iyobokamana / 
Hari abandi bantu bishyize hamwe bitwa komisiyo nzahura torero bashaka ko Rwagasana Tom na Christine birukanwa muri ADEPR
Hari abandi bantu bishyize hamwe bitwa komisiyo nzahura torero bashaka ko Rwagasana Tom na Christine birukanwa muri ADEPRHari abandi bantu bishyize hamwe bitwa komisiyo nzahura torero bashaka ko Rwagasana Tom na Christine birukanwa muri ADEPR
— February 22, 2017
Please enter banners and links.
Bamwe mu bakirisitu muri ADEPR bishyize hamwe bakora itsinda ryitwa Komisiyo nzahura Torero bakaba bafite ibyo bashingiraho bitandukanye bashaka ko Rwagasana Tom na Christine birukanwa muri ADEPR.
Mu nyandiko zashyizwe hanze n’iyo komisiyo nzahura torero risinyweho n’abantu 5 barimo umuhuzabikorwa Dr.Jean de Dieu Basabose ,Umuhuzabikorwa wungirije Aime Munyanganzo ,Umwanditsi Samuel Mbanda n’abajyanama 2 barimo Dr.Moise Uwizeye na Fulgence Ndoli bakaba barasinyiye iri tangazo rigaragaza ibikorwa bamwe mu bayobozi b’Itorero rya ADEPR bavuga ko bidakwiye bakwiye kwirukanwa vuba na bwangu Itorero ADEPR rigasubira ku murongo ryahozeho.
Abatungwa agatoki ko bafite imikorere mibi mu Itorero rya ADEPR harimo umuvugizi wungirije Rwagasana Tom na Christine umubitsi.Bimwe biri muri iryo tangazo harimo gutanga inka za baringa mu Karere ka Musanze ,harimo kwaka abakirisitu imisanzu ku ngufu ,kunyereza umutungo w’itorero ,kunanirwa gukemura ibibazo biri mu Itorero ,Ubuhemu bukorwa n’abamwe mu bayobozi ,kwangisha Abakirisitu ba ADEPR ubuyobozi bwa Leta n’ibindi byinshi bakaba babishingiraho bavuga ko bashaka guhindura ADEPR igasubirana isura yayo yahoranye.
Ibyo byose basanga kubigeraho ari uko Bishop Rwagasana Tom na Christine babanza bakirukanwa hakajyaho abandi babishoboye Itorero rigasubira uko ryahoze.
Ikindi bavuga gikomeye naho ADEPR yavangiye gahunda ya Leta ya Gira inka yatangijwe n’umukuru w’igihugu Perezida Kagame aho bavuga ko batanze inka za baringa ibyo byose n’ibindi bakaba bitandukanije nabyo ndetse basaba ikigo gishinzwe imiyoborere RGB ifasha Abakirisitu ikirukana abayobozi ba ADEPR mu gihe badashoboye kwibwiriza ngo begure.
Mbere y’uko dusohora iyi nkuru Ikinyamakuru Umusingi cyashatse kubaza umuhuzabikorwa w’iryo tsinda nzahuratorero Dr.Jean de Dieu Basabose niba abona ibyo banditse mu itangazo bizubahirizwa cyangwa biramutse bidakunze hakorwa iki kindi kuko hashize igihe hari abarwanya ubuyobozi bwa ADEPR ariko nta kirahinduka maze avuga ko bidashoboka ko nta cyahinduka ati “bishobora gutinda ntibikorwe vuba nkuko tubishaka ariko byanze bikunze hari ibizahinduka kandi bimwe byatangiye guhinduka”.
Rwagasana Tom umuvugizi wungirije muri ADEPR
Ikinyamakuru Umusingi nkuko cyagiye kibagezaho amakuru atandukanye avugwa mu Itorero ADEPR cyashatse kubaza umuyobozi wungirije muri ADEPR Bishop Rwagasana Tom kuri Telephone ye igendanwa ariko ntiyatwiba nkuko bisanzwe atajya atwitaba.
Abantu batandukanye bakaba bibaza amaherezo y’ibibazo bivugwa muri ADEPR igihe bizakemukira kuko hahora havuka abarwanya ubuyobozi babushinja imikorere mibi.
Gatera Stanley
3,726 total views, 5 views today
Related Articles
Leave a reply
Amakuru agezweho
-
TURASHAKA KO ABATERA NKUNGA NA LETA BAMENYA AMANYANGA YA INNOC BAHATI WIBYE IMITUNGO YA ABASIRWA
May 25, 2026
-
UMURIRO UGIYE KWAKA, FRANK GASHUMBA ATEGETSWE KUTONGERA KWITA UMWANA WE RWABUGIRI
May 25, 2026
-
KARABAYE NONEHO MUSEVENI AZANYE AMAJWI Y’ABAPFUMU KADAGA YARAGIYE KUMUROGA NA GEN SALEH NA MUHOOZI(Vedio)
May 25, 2026
-
BYAKOMEYE UMUHUNGU WA HABYARIMANA YAHUYE NA TSISHISEKEDI ARASHAKA GUKURAHO KAGAME, KAYUMBA MURI CONGO
February 25, 2026
-
Abanzi b’u Rwanda bakomeje ibikorwa byo kurusebya mu Burayi bitwaje imyigaragambyo
February 24, 2026
Amakuru yakunzwe cyane
-
Uzi ahantu 8 ku mubiri w’umugabo wakora muri mu cyumba ukamuvugisha Igishinwa atarakize?">
Uzi ahantu 8 ku mubiri w’umugabo wakora muri mu cyumba ukamuvugisha Igishinwa atarakize?
-
Umugabo wanjye yankuye kuburiri arara arongora mushikiwe">
Umugabo wanjye yankuye kuburiri arara arongora mushikiwe
-
Shangazi:Umugabo nyamugabo igira igitsinda kireshya gute?">
Shangazi:Umugabo nyamugabo igira igitsinda kireshya gute?
-
Reba aya amafoto meza 44 utazapfa utayarebye uburyo agaragaza ubunya Afurika bw’umwimerere">
Reba aya amafoto meza 44 utazapfa utayarebye uburyo agaragaza ubunya Afurika bw’umwimerere
-
Isimbi Noeline uzwiho kwifotoza yambaye ubusa yongeye gutungura abantu asohora andi mafoto nyuma y’igihe atavugwa mu itangazamakuru">
Isimbi Noeline uzwiho kwifotoza yambaye ubusa yongeye gutungura abantu asohora andi mafoto nyuma y’igihe atavugwa mu itangazamakuru
2 Comments
Nonese Gatera iyi nkuru wayanditse ugamije iki? uri umuvugizi wa Nzahuratorero se yagutumye ngo uyivuganire? Nonese ko ubuyobozi buriho bwa ADEPR ko bwemewe na Leta bandikira RGB ngo ibwirukane urumva ahubwo atari ukuvangira urwego twubaha mu gihugu? urumva RGB ibereyeho kwirukana abantu!
Nshimye ko Dr Basabose abizi neza ko yashoje urugamba adashobora gutsinda; niba barakoze nzahura torero kugirango hagire impinduka ziba kubera pressure yabo ndagirango mbamenyeshe ko Bibeshya cyane, guhinduka kw’itorero ni urugendo (Process) kandi abana b’itorero bafite ikinyabupfura nitwe twiteguye kuryubaka twubaha inzego kandi ntawuzigera atubuza gutanga umusanzu wacu mu kuryubaka,ahubwo abari muri nzahura torero ni abashaka guca iz’ubusamo kandi iz’ubusamo ntizigera ku musaruro urambye ,birababaje ko abantu bize bashobora gukora ibyo bintu.
Ariko umenya abantu babona ADEPR bakagira ngo ni ikibuga cyo kwidagaduriramo?
ADEPR iriho irakora irakomeye kandi abayirimo bazi itorero no gukizwa icyo aricyo turakataje mu gukunda no gukorera itorero.
Ese iyo commission yo ubwo yaba ikunda itorero ikishimira kuryandagaza mu itangazamakuru? cg yakwegera ubuyobozi ikavuga ibitagenda bigashakirwa Indira byakemukamo?
Cyane ko nabonye Umuvugizi mukuru Bishop Sibomana atari mubo beguza ubwo baramwemera baramusanze bamubwira ibibazo byanga gukemuka?
Abo bantu rwose bareke kudusebereza itorero ntabwo ryazahaye ahubwo bo umenya barazahajwe n’imyumvire mibi
Ese ubwo babona ADEPR koko ngo yakwangisha Abakristo ubuyobozi bwa Leta yabababa ADEPR ni umufatanyabikorwa w’Imena wa Leta y’u Rwanda ntacyo twakora Leta idashyigikiye kandi ntituzigera turwanya Leta ahubwo mwe murwanya umufatanyabikorwa wa Leta ubwo murototera kurwanya Leta.
Ese ubwo ADEPR yarwanya Leta maze Leta igahemba Umuvugizi wayo kumushyira muri CNLG?
Wowe wafata umuntu uyoboye abakurwanya ukamuha kuyobora n’abandi?
Ahubwo niba Leta idufashije itwigire intego y’aba bantu