Umusingi

Please enter banners and links.

Kuva Mata, 2017 ABANYAMULENGE bo mu misozi miremire ya Sud Kivu aho bita mu Minembwe (hauts et Moyens plateaux) bakomeje kwicwa umunsi ku wundi n’imitwe ya Maimai, RED TABARA, Yakutumba na FNL kubufanye n’ingabo za leta ya Congo  FARDC.

Kuva 2017, hamaze kwicwa abaturage babanyamulenge barenga 2000, bageze naho babica bakabarya, aho tariki 09/12/2021, Major Kaminzobe JOSEPH yiciwe mu Lweba (FIZI), umubiri we uratwikwa barawurya, yakuwe mumodoka arikumwe n’abasilikare bagenzi be, barikomereza bamusigira umutwe wa Mai mai uramwica.

Tariki 19/06/2022, Umunyamulenge w’umucuruzi witwa NTAYOBERWA FIDELE yiciwe Kalima(Kindu), nawe aratwikwa, inyama ze bazirisha umugati.

Kuva Mata 2017 nta munsi n’umwe ABANYAMULENGE cyangwa Abatutsi bo muri Congo baticwa, Kuva Interahamwe zinjira muri Congo mu mwaka wa 1994 ntabwo umututsi w’umunyekongo aragira amahoro.

Tariki 25/12/2022 , Dr. MERCI KIMARARUNGU yiciwe Uvira ari kumwe nabandi Banyamulenge bagenzi be 2, bagiye kuvura ahitwa Muramvya.

Dr. MERCI KIMARARUNGU WISHWE TARIKI 25/12/2022

Tubibutse ko uyu Dr. Merci yarafite ubukwe tariki 11/03/2023. Tariki 26/12/2022 umusore witwa CUNGURA SEKANGUMWA MAGNIFIQUE yiciwe imbere yababyeyi be mu Madegu (Minembwe), yishwe ni ngabo za FARDC.

Tubibutse ko hashize icyumweru kimwe undi musirikale w’Umunyamulenge witwa FURAHA yakubitiwe I Kinshasa mu murwa mukuru wa Congo atabarwa agiye gutwikwa ngo bamurye kimwe nibyo bakoze bagenzi be.

Umwe mu baturage muri Congo wadusabye kudatangaza amazina ye kubera impamvu z’umutekano we yagize ati “Ubuzima bw’Abatutsi babanyecongo bumeze nko mu Rwanda muri 1994, baricwa ntawe ubavugira, babona baragambaniwe”.

Imitwe ya Maimai mbere yo kubatera ibanza guca mubigo bya gisirikare bagahabwa umupango w’uburyo bagaba ibitero kuri aba baturage babanyamulenge.

ABANYAMULENGE barasaba ingabo za EAC kutagwa mu mutego wa Leta ya Kinshasa ikomeje kurimbura abaturage bayo bazizwa ko ari Abatutsi.

CUNGURA MAGNIFIQUE WISHWE TARIKI 26/12/2022

Bagomba gusubira I Rwanda, ngo ntiwaba umututsi ngo wongere ube n’umunyekongo. Aba baturage barasaba ko bacungirwa umutekano na EAC cyangwa MONUSCO kuko ntakizere bagifitiye igisirikare cyabo cya Congo baragishinja  gukorana n’imitwe yitwara gisirikale mukubatsemba ariyo FDLR, Mai mai,  Yakutumba,  Bilozebishambuke, RED TABARA na FNL. Tubibutse ko kuva Mata 2017, iyi ntambara imaze guhitana Abatutsi Babanyamulenge barenga 2000, inka zabo zirenga 700,000 zanyazwe na Mai mai ibifashijwemo na FARDC ndetse n’imidugudu yabo irenga 70 yarasenywe.

Bamwe mu Banyamulenge batangarije Ikinyamakuru Umusingi ko cyajya gitangaza amakuru yo muri Congo cyane cyane akarengane gakorerwa Abanyamulenge kugirango Isi yose imenye akarengano bakorerwa dore ko iki kinyamakuru gisomwa cyane kandi gikunzwe n’abaturage mu karere.

Rwego Tony

3,801 total views, 3 views today