Please enter banners and links.

Amakuru aturuka mu gihugu cya Uganda ni uko umunyamideli (Model)Doreen Kabarebe bamwe baziko ari umukobwa wa Gen.Kabarebe James azahagararira igihugu cya Uganda muri Miss World International 2020.

Ibinyamakuru byo muri Uganda bitandukanye birimo kumwamamaza mu rwego rwo kugirango arusheho kumenyekana n’ubwo n’ubusanzwe azwi cyane hirya no hino ku isi.

Ikindi ni ukugirango ashobore kugira imbaraga zo gutuma atsinda dore ko muri iryo rushanwa riheruka Umugandekazi Quinn Abenakyo yegukanye umwanya wa 3 ku isi bivuze ko ubu Doreen Kabarebe ashaka kuba uwa mbere akegukana iryo kamba.

Uganda ni igihugu kimaze gutera imbere cyane haba no mu muzika ndetse n’Imideli (Fashion)ku buryo imideli yitabirwa cyane ndetse n’abaterankunga baba ari benshi bifuza ko igihugu cyabo cyegukana iryo kamba.

Ubundi byari biteganijwe ko yagombaga kurira indege yerekeje muri Amerika ku itariki 24 Kanama ariko iryo rushanwa rikaba ryasubitswe kubera ikibazo cya corona virus.

Iri rishanwa riba rigamije guteza imbere umutegarugori ku isi yose bityo buri gihugu cyohereza ugihagarariye bizeye ko ari mwiza ndetse ari n’umuhanga kuko iyo bageze mu gihugu irushanwa riberamo habaho kurushanwa mu mishinga buri umwe afite yo guteza imbere umugore ku rwego rw’Isi.

Doreen Kabarebe akaba yaratangarije Ikinyamakuru Umusingi ubwo twaganiraga nawe kuri Telephone maze avuga ko yishimiye kuba ageze ku rwego mpuzamahanga aho azakura ubumenyi ndetse no kumenyana n’abandi bagenzi be batandukanye baturutse mu bihugu bitandukanye kandi akaba yizeye kwegukana iryo kamba.

Doreen Kabarebe yagize ati “Mfite ikizere ko nzegukana ikamba rya Miss World International 2020 kubera ko ndabikwiye ibisabwa byose ndabyujuje ubwiza ndabufite n’ubwenge ndabufite kandi ndasaba n’abantu bose kunshyigikira kuko sinabigeraho batanshyigikiye muri byose”.

Uyu mukobwa mwiza n’ubusanzwe yitabiriyeho irushanwa rya Miss Uganda kandi yitabira n’andi marushanwa ya modeling mu bihugu bitandukanye bityo akaba yishimira ko bimugejeje ku rwego mpuzamahanga.

Noella

4,350 total views, 7 views today