Makanika wageragezaga imodoka ko yakize yagonze abana 2 bavukana barapfa

Makanika wageragezaga imodoka ko yakize yagonze abana 2 bavukana barapfa | Umusingi

Makanika wageragezaga imodoka ko yakize yagonze abana 2 bavukana barapfa

— August 3, 2020

Please enter banners and links.

Mu gihugu cya Uganda makanika yageragezaga imodoka ko yakize ayitwarana umuvuduko imunanira kuyihagarika iribirindura igonga abana 2 bavukana barapfa.

Nyina wabo bana yagiye kugaruka ava iyo yari yagiye asanga abantu batabaye batwaye abana mu bitaro ahitwa Kawolonaye ariko bapfira mu nzira bataragezwa kwa Muganga.

Abana bapfuye umwe yitwaga Winnie Nalumaga w’imyaka 9 akaba yigaga mu mwaka wa 3 w’amashuri abanza akaba yari kumwe na murumuna we witwa Angel Namutebi wigaga mu wa mbere mu ishuri rya Buzaama P/S.

Ababyeyi b’aba bana bitwa Denis Kasimaggwa na Grace Nalubowa bakaba batuye Bbulamazzi mu Murenge wa Najja mu Karere ka Buikwe.

Nyina w’abo bana yahise ajya kuri Polisi aho batwaye imirambo y’abana be avuga ko abana bari bagiye kwa Sekuru ubyara ise witwa God Kato.

Imodoka yagonze abana abaturage bashakaga kuyitwika ariko Polisi iyitwara vuba vuba.Nkuko abatuarage babivuga ntiharamenyekana niba Makanika yafashwe cyangwa atafashwe ariko bakaba bihanganisha ababyeyi b’abana bishwe kuko gupfusha abana 2 icyarimwe bigoye kubyakira.

Muhungu John-Kampala

2,857 total views, 1 views today