Perezida wa Uganda Museveni na Uhuru wa Kenya mu mateka bakoze urugendo rw’amasaha 4 muri Gali ya moshi

Perezida wa Uganda Museveni na Uhuru wa Kenya mu mateka bakoze urugendo rw’amasaha 4 muri Gali ya moshi | Umusingi

Perezida wa Uganda Museveni na Uhuru wa Kenya mu mateka bakoze urugendo rw’amasaha 4 muri Gali ya moshi

— March 28, 2019

Please enter banners and links.

Perezida wa Uganda Yoweri Kaguta Museveni yari yasuye igihugu cya Kenya aho yari yagiye kuganira na mugenzi we Uhuru Kenyatta wa Kenya ku ngingo zitandukanye harimo kuzamura ubucuruzi ,ibya politike ndetse n’imigenderanire y’abaturage hagati y’ibihugu yombi.

Mu byaganiriweho harimo ko Kenya izajya yohereza amata muri Uganda na Uganda ikohereza kimwe n’inyama n’ibindi bicuruzwa bitandukanye.

Aba Perezida bombi kandi bakoze urugendo rw’amateka aho bagenze urugendo rw’amasaha 4 bagendera muri Gali ya moshi (Train)kuva Mombasa ku cyambu kugera Nairobi ,urugendo rwavuzweho ko rwari rugamije kwerekana uburyo buzajya bukoreshwa mu kwihutisha ibicuruzwa mu bihugu byombi.

Uhuru Kenyatta Perezida wa Kenya nyuma yo kwakira mugenzi we Museveni akaba yagiranye ikiganiro n’abanyamakuru ababwira ko yishimiye uburyo umubano w’ibihugu byombi muri iyi myaka wateye imbere.

Perezida Museveni wa Uganda ibumoso yicaranye na Uhuru Perezida wa Kenya

Museveni we akaba yavuze ku nyungu ibihugu byombi bikura mu gukoresha icyambu cya Mombasa ko umusaruro ushimishije n’ubwo yagarutse ku bindi bihugu bikoresha umuhoro wa ruguru (Northern Corridor)nka Burundi ,u Rwanda ,Sudan y’Epfo ko nabyo bifite inyungu ku cyambu.

N’ubwo Museveni arimo gushakira isoko ibicuruzwa bya Uganda ,bibaye nyuma nyuma yaho abajijwe mu mwiherero yagiranye na bamwe mu Ishyaka rya Movment akuriye wabereye i Kyankwazi bakamubaza uko bazabaho u Rwanda rubafungiye umupaka aho bavugaga ko amakamyo yabo yangiwe kwinjira mu Rwanda anyuze Gatuna maze akabasubiza ko amasoko ahari avuga Kenya ,Sudan y’Epfo na Ethiopia ko bashobora kujyanayo ibicuruzwa byabo.

Aba bombi nanone bakaba baganiriye ku migenderanire y’abaturage hagati y’ibihugu byombi ndetse n’imipaka ihuza ibyo bihugu harimo Busia na Maraba kuyiteza imbere abaturage bayikoresha mu buhahirane.

3,989 total views, 5 views today