Miss Rwanda 2019 Rubavu: Mwiseneza Josiane waturutse ku Nyundo n’amaguru abaye umwe muri 6 bazahagararira Uburengerazuba harimo abiteye Mukorogo

Miss Rwanda 2019 Rubavu: Mwiseneza Josiane waturutse ku Nyundo n’amaguru abaye umwe muri 6 bazahagararira Uburengerazuba harimo abiteye Mukorogo | Umusingi

Miss Rwanda 2019 Rubavu: Mwiseneza Josiane waturutse ku Nyundo n’amaguru abaye umwe muri 6 bazahagararira Uburengerazuba harimo abiteye Mukorogo

— December 16, 2018

Please enter banners and links.

Kuwa 16 Ukuboza 2018 wari umunsi wuzuyemo akanyamuneza ku bitabiriye Miss Rwanda I Rubavu nyamara benshi batunguwe na Josiane wagaragaraga nk’udasirimutse cyane.

Abantu wasangaga bavuga ko harimo abakobwa biteye za Mukorogo ya mavuta atukuza ,bavuga ko abo badakwiye kuba Miss .

Kuba hari benshi bamurushaga ubusirimu ntibyabujije Josiane guhigika abandi aboneka muri 6 bazahagararira Uburengerazuba muri Miss Rwanda.

Josiane

Nyuma yo gupimwa ibiro n’uburebure ndetse no kuvuga imyirondoro, abakobwa 13 muri 17 bari bitabiriye nibo babashije kwemererwa guhatana. Aba bakobwa buri wese yaje yifitiye icyizere ndetse bagerageje gusa neza no kwambara neza.

13 bose baciye imbere y’akanama nkemurampaka babazwa ibibazo bitandukanye mu Kinyarwanda no mu rundi rurimi umukobwa yifuzaga kubazwamo rw’amahanga hagati y’icyongereza n’igifaransa. Abakemurampaka bashimiye abitabiriye ndetse basobanura ibigenderwaho ari byo ubwiza, ubumenyi n’uburyo abahatana berekana ubwo bumenyi.

Ubwiza no kwiyerekana byahawe amanota 30, ubumenyi buhabwa 40 naho uburyo umukobwa yisobanura cyangwa agaragaza bwa bumenyi bihabwa nabyo 30, amanota yose akaba 100. Josiane wari wavuye iwabo n’amaguru ndetse yanakomeretse ku ino yagize amahirwe yo guhamagarwa bwa nyuma muri 6 bazahagararira intara y’uburengerazuba, abigeraho ahigitse bagenzi be bagera kuri 7.

Dore amazina y’abazahagararira Uburengerazuba muri Miss Rwanda 2019:

Uwimana Triphine Mucyo

Mutoni Deborah

Igihozo Mireille

Tuyishime Vanessa

Mwiseneza Josiane

Uwase Aisha

4,525 total views, 3 views today